به‌رجام پێشێل بکرێت، ئێران له‌ پیتاندنی ئۆرانیۆم په‌له‌ی زیاتر ده‌کات

جێگری ڕێکخراوی ناڤۆکی ئێران وتی: ئه‌م توانه‌ له‌ ڕێکخراوی ناڤۆکی ئێران بوونی هه‌یه‌ که‌ به‌ په‌له‌ چالاکییه‌کانی خۆی له‌ به‌شتی پیتاندنی ئۆرانیۆم به‌ توانێکی زیاتره‌وه‌ ده‌ست پێ بکاته‌وه‌.

به‌ ڕاپۆرتی ئاژانسی مێهر له‌ ته‌له‌فیزیۆن، بێهروز که‌ماڵوه‌ندی، وته‌بێژی ڕێکخراوی ناڤۆکی ئێران وتی: هه‌واڵی جۆراجۆر له‌ بڕیاری ڕۆژی هه‌ینی سه‌رۆک کۆماری ئه‌مریکا بڵاو ده‌بێته‌وه‌، ئه‌گه‌ر به‌رجام پێشێل بکرێت، ئێران له‌ پیتاندنی ئۆرانیۆم په‌له‌ی زیاتر ده‌کات.

ئه‌و زیادی کرد: ئێران به‌ ئامانۆی ڕاگه‌یاندووه‌ که‌ پێبه‌نده‌ به‌ به‌ڵێنه‌کانی خۆی، به‌ڵام ئه‌گه‌ر ئه‌مریکا به‌رجام پێشێل بکات، ئێران کۆتایی به‌و هاوکاریانه‌ دێنێت که‌ ماوه‌ی ۲ ساڵه‌ ده‌ستی پێ کردووه‌. ئامانۆش جه‌ختی کردووه‌ که‌ ئێران هاوکاری باشی ئاژانسی ناڤۆکی کردووه‌. 

ئه‌م به‌رپرسه‌ ئێرانییه‌ ئاماژه‌ی دا: ئێمه‌ هه‌موو هه‌وڵمان ئه‌وه‌یه‌ که‌ به‌رجام سه‌ڕه‌ڕای هه‌موو پیشێل کارییه‌کان دریژه‌ی هه‌بێت و هه‌وڵه‌کانی ئێرانیش له‌ چوارچێوه‌ی به‌رجام ده‌بێت. هه‌ر ئه‌مه‌ش بووه‌ته‌ هۆی ئه‌وه‌ی که‌ ئێمه‌ له‌مڕووه‌وه‌ پێگه‌ی باشمان هه‌بێت و ئه‌مریکا گۆشه‌گیر بووه‌ و نازانێت چی بکات. ده‌بێت چاوه‌ڕوانی بڕیاری ڕؤژی هه‌ینی بین و به‌و پێیه‌ هه‌نگاو هه‌ڵده‌گرین. 

ئه‌و جه‌ختی کرد: ئه‌گه‌ر به‌رجام نه‌توانێت ئاسه‌واری گه‌ماڕۆکان لاببات و بیانه‌ویت ته‌نیا ئاسته‌نگ دروست بکه‌ن، به‌رپرسانی ئێران به‌ دڵنیاییه‌وه‌ پێداچوونه‌وه‌ به‌م ڕێککه‌وتنه‌دا ده‌که‌ن، ئه‌م بابه‌ته‌ به‌رده‌وام له‌ لێژنه‌ی باڵای چاودێڕی به‌رجام و به‌شه‌کانی دیکه‌ی لێکدانه‌وه‌ی بۆ کراوه‌.

که‌ماڵوه‌ندی زیادی کرد: ئه‌مریکاییه‌کان به‌رده‌وام و له‌ دوای هاتنی ترامپ دۆخه‌که‌یان بۆ خۆیان ته‌نگ تر کردووه‌، پێیان خۆشه‌ به‌رجام هه‌ڵبوەشێننه‌وه‌ به‌ڵام ئه‌م کاره‌ له‌ ڕووی سیاسییه‌وه‌ تێچووی زۆری بۆ به‌ڵێنه‌کانی ئه‌مریکا له‌ ئاستی جیهانی ده‌بێت، ئه‌وان له‌ دوای ئه‌وه‌ن که‌ ئه‌م هه‌ڵه‌یه‌ له‌ لایه‌ن ئێرانه‌وه‌ بێت و به‌رجام کاری بته‌واو بێت. له‌ دۆخی وادا کۆماری ئیسلامی ئێران عاقڵانه‌ هه‌نگاو هه‌ڵده‌گرێت.

جێگری ڕێکخراوی ناڤۆکی ئێران وتی: ئێران له‌ هه‌موو ڕووێکه‌وه‌ ده‌توانێت وڵامی ئه‌مریکا بداته‌وه‌، به‌ڵام له‌ به‌شی ناڤۆکی ئێمه‌ ئاماده‌یی ته‌واومان هه‌یه‌ که‌ چالاکییه‌کان زیاتر بکه‌ین. ده‌وڵه‌تی ئه‌مریکا چه‌ندین ساڵه‌ دژایه‌تی ئێران ده‌کات، ئۆباما تێگه‌یشت که‌ دژایه‌تی ئێران سوودی نییه‌، به‌ڵام ئه‌م ده‌سه‌ڵاته‌ نوێیه‌ ئه‌مریکا لای وایه‌ که‌ ده‌توانێت به‌ره‌وڕووی ئێران بوه‌ستێته‌وه‌ و ده‌یه‌وێت تاقی بکاته‌وه‌، به‌ڵام خه‌ڵکی ئێران زۆر گه‌وره‌یه‌ و شکست به‌ هه‌موو پیلانه‌کان دێنێت.

News Code 15986

نیشانەکان

بۆچوونی ئێوە

You are replying to: .
  • 3 + 1 =