۵۹۴ کانێکسی دیکه‌ بەسەر لێقه‌وماوانی بومه‌له‌رزه‌ی کرماشاندا دابەش کرا

به‌رپرسی بڕیارگەی خزمه‌تگوزاری شه‌هید عه‌باسی سوپای پاسدارانی کوردستان وتی: سوپای پاسدارانی کوردستان ۵۹۴ کانێکسی دیکه‌ی له‌ نێو لێقه‌وماوانی بومه‌له‌رزه‌که‌ی کرماشان له‌ گونده‌کان بڵاو کردووه‌ته‌وه‌.

به‌ ڕاپۆرتی ئاژانس مێهر، عه‌بدول حسه‌ین یوسفی، به‌رپرسی بڕیارگەی خزمه‌تگوزاری شه‌هید عه‌باسی سوپای پاسدارانی کوردستان وتی: ۶ گوندی تایشه‌، ته‌په‌ ماران، ساڵح کۆچه‌ری، بێشگان، به‌رخ و بارانی سولفا و عولیا به‌ سوپای پاسدارانی کوردستان سپێردراوه‌ تاکوو یارمه‌تی خه‌ڵکی لێقه‌وماو بده‌ن. ئه‌م گوندانه‌ سه‌رجه‌م ۴۴۹ بنه‌ماڵه‌ له‌ خۆ ده‌گرن.

ئه‌و له‌مباره‌وه‌ زیادی کرد: سه‌رجه‌م یه‌ک هه‌زار ۶۷۹ که‌س له‌م چه‌ند گونده‌ له‌ لایه‌ن سوپای کوردستانه‌وه‌ خزمه‌تگوزاریان بۆ دابین ده‌کرێت. له‌ ڕۆژانی سه‌ره‌تا ۱۳۴ لۆری که‌ل و په‌لی سه‌ره‌تایی وه‌ک په‌توو و خوارده‌مه‌نیمان به‌م  گونده‌ گه‌یاند و یارمه‌تییه‌کان به‌ ئێسته‌شه‌وه‌ درێژه‌ی هه‌یه‌. هه‌روه‌ها تاکوو ئێسته‌ ۳۵ هه‌زار لیتر نه‌وتی سپیمان بۆ دابین کردوون.

ئه‌م به‌رپرسه‌ی سوپای پاسداران وتی: هه‌روه‌ها نه‌خۆشخانه‌یه‌کی کاتیمان له‌ ناوچه‌که‌ دروست کردووه‌ و تاکوو نه‌خۆشه‌کانی تێدا چاره‌سه‌ر بکرێت. یارمه‌تی زۆری بنه‌ماڵه‌کانمان داوه‌ تاکوو بتوانن که‌رسته‌ی په‌روه‌رده‌ی منداڵه‌کانیان دابین بکه‌ن و له‌ خوێندن دوا نه‌که‌ون. 

له‌ کۆتایدا جه‌ختی کرد: سوپا دوای هاتنی وه‌رزی زستان ده‌ستی کردووه‌ به‌ کانێکس بڵاو کردنه‌وه‌ له‌ ناو خه‌ڵکی لێقه‌وماوی بومه‌له‌رزه‌که‌ی کرماشان و هه‌ر کانێکێکیش ۱۶ مه‌تره‌. خه‌ڵکی کوردستان ۲۶۶ کانێکسی به‌ ناوچه‌که‌ گه‌یاندووه‌ که‌ ئێمه‌ ڕاده‌ستی خه‌ڵکمان کرد، هه‌روه‌ها خۆشمان تاکوو ئێسته‌ ۵۹۴ کانێکس، ۱۵۰ حه‌مام و ئاوده‌ستی کاتیمان بۆ خه‌ڵکی ئه‌م ۶ گونده‌ دابین کردوه‌ و به‌رده‌وامیش ده‌بین له‌ یارمه‌تییه‌کان تاکوو ئه‌و کاته‌ی خه‌ڵک ماڵه‌کانیان دروست ده‌که‌نه‌وه‌.

News Code 15557

نیشانەکان

بۆچوونی ئێوە

You are replying to: .
  • 2 + 1 =