دۆزینه‌وه‌ی ۳۷ کیلۆ زێڕی قاچاخ له‌ کوردستان

به‌ڕێوه‌به‌ری لێژنه‌ی شه‌ڕی دژ به‌ قاچاخ له‌ پارێزگای کوردستان ڕایگه‌یاند که‌ ۳۷ کیلۆ زێڕی بیانی له‌ کوردستان ده‌ستی به‌سه‌ردا گیراوه‌ که‌ ۵ ملیارد و ۵۰۰ ملیۆن تمه‌ن بایه‌خی هه‌یه‌.

به‌ ڕاپۆرتی ئاژانسی مێهر، ڕه‌زا میرزایی له‌ کۆنفڕانسێکی مێدیایی سه‌رباره‌ت ۹ مانگی یه‌که‌می ئه‌مساڵ وتی:  ۶۶ میلیۆن و ۹۱ هه‌زار و ۹۲۰ ده‌نک جگه‌ره‌ له‌م ۹ مانگه‌دا ده‌ستی به‌سه‌ردا گیراوه‌ که‌ ۵ له‌ سه‌د زیادی کردووه‌. هه‌روه‌ها ۵ میلیۆن و ۱۷۰ هه‌زار و ۴۶۱ جۆر که‌لوپه‌لی میکیاژ گیراوه‌ که‌ به‌ نیسبه‌ت ساڵی ڕابردوو ۳۰۴ له‌ سه‌د زیادی کردووه‌.

ئه‌و له‌مباره‌وه‌ زیادی کرد: ۳ میلیۆن و ۵۹۰ هه‌زار و ۳ جۆر ده‌وای بێ ناو و نیشان، ۳۰ هه‌زار و ۹۳۷ مۆبایل دۆزراوه‌ته‌وه‌ که‌ له‌ به‌شی ده‌وا به‌ نیسبه‌ت ساڵی ڕابردوو ۵۶ له‌ سه‌د زیادی کردووه‌. هه‌روه‌ها ۳۱۴ هه‌زار و ۳۸۶ لیتر سووته‌مه‌نی ده‌ستی به‌ سه‌ردا گیراوه‌ که‌ ۳۴ له‌ سه‌د که‌می کردووه‌. زیاتر له‌ ۵۰ هه‌زار دام ده‌زگای مانگیله‌ گیراوه‌ که‌ ۹ له‌ سه‌د زیادی کردووه‌.

میرزایی ئاماژه‌ی دا: ۴۰۰ هه‌زار و ۸۶۷  پارچه‌ جل و به‌رگ گیراوه‌ که‌ ۲۶ له‌ سه‌د که‌می کردووه‌. ۱۱۸ هه‌زار و ۵۵ ده‌زگای ناو ماڵ ده‌ستی به‌سه‌ردا گیراوه‌ که‌ ۶۴ له‌ سه‌د زیادی کردووه‌. ۳۸ هه‌زار و ۶۹۰ کیلۆ برنجی ده‌ره‌کی گیراوه‌ که‌ ۶۱ له‌ سه‌د به‌ نیسبه‌ت ساڵی ڕابردوو که‌می کردووه‌، هه‌روه‌ها ۸ هه‌زار و ۸۹۴ کیلوگرم چای دۆزراوه‌ته‌وه‌. ۴۲ هه‌زار و ۸۵ مه‌تر پارچه‌ گیراوه‌ که‌ ۶۶ له‌ سه‌د که‌می کردووه‌. ۹ هه‌زار و ۷۵۹ سه‌ر ئاژه‌ڵ دۆزراوه‌ته‌وه‌ که‌ به‌ نیسبه‌ت ساڵی ڕابردوو ۱۰ له‌ سه‌د که‌می کردووه‌.

ئه‌و هه‌روه‌ها له‌ درێژه‌ی قسه‌کانی خۆی ڕایگه‌یاند که‌ به‌ بڕی ۳۷ کیلۆ زێڕی ده‌ره‌کی له‌ لایه‌ن هێزه‌کانی پۆلیس و سنووره‌وانی گیراوه‌ که‌ به‌ بڕی ۵ ملیار و ۵۰۰ ملیۆن تمه‌ن بایه‌خی هه‌بووه‌.

ئه‌و هه‌روه‌ها جه‌ختی کرد که‌ زیاتر له‌ ۴۶ گرووپی قاچاخ له‌ ۹ مانگی ڕابردوودا له‌ناو براون و زیاتر له‌ ۴ که‌یسی قاچاخ ڕاده‌ستی دادگاکانی کوردستان کراوه‌ که‌ به‌ نیسبه‌ت ساڵی ڕابردوو ۱۷ له‌ سه‌د که‌می کردووه‌،

به‌ڕێوه‌به‌ری لێژنه‌ی شه‌ڕی دژ به‌ قاچاخی کوردستان وتی: ۷۰ له‌ سه‌دی کارگه‌کانی کوردستان به‌ ۵۰ له‌ سه‌دی توانی خۆیانه‌وه‌ ئیش ده‌که‌ن و به‌ هۆی لاواز بوونی بازاڕه‌وه‌، یه‌ک هه‌زار و ۸۰ که‌س بێکار بوون.

News Code 15543

نیشانەکان

بۆچوونی ئێوە

You are replying to: .
  • 2 + 3 =