پێشانگای نیگارکێشی منداڵانی بوومه‌له‌رزه‌ی کرماشان به‌ڕێوه‌ ده‌چێت

له‌ شاری سنه‌ یه‌که‌مین پێشانگای نیگارکێشی منداڵانی بوومه‌له‌رزه‌که‌ی کرماشان به‌ڕێوه‌ چوو.

به‌ ڕاپۆرتی ئاژانسی مێهر،  ئه‌م پێشانگایه‌ به‌ سه‌رپه‌ره‌شتی هونه‌رمه‌ندی ناسراوی شاری سنه‌، خاتوو نگین وه‌کیلی به‌ڕێوه‌ ده‌چێت.

خاتوو وه‌کیلی له‌ کاتی بومه‌له‌رزه‌که‌ی کرماشان سه‌ردانی ئه‌م ناوچه‌ی کرد و چه‌ندین خولی نێگارکێشی بۆ منداڵانی کورد له‌ کرماشان بڕێوه‌ برد که‌ تووشی بوومه‌له‌رزه‌ ببوون.

ئێسته‌ ئه‌م ئه‌زمونه‌ له‌ چوارچێوه‌ی پێشانگایه‌ک نمایش ده‌کرێت و هه‌موو نه‌قاشیه‌کانیش له‌ لایه‌ن منداڵانی کرماشان که‌ تووشی کاره‌ساتی بومه‌له‌رزه‌ بوون، کێشراوه‌.

شایانی باسه‌ که‌ ئه‌م پیشانگایه‌ له‌ ڕۆژی ۲ به‌فرانباره‌وه‌ ده‌ست پێ ده‌کات و تاکوو ۵ی به‌فرانبار درێژه‌ی هه‌یه‌.

پێشانگاکه‌ به‌ پشتیوانی ناوه‌ندی هونه‌ری لە ژێر ناوی " خەونی ڕه‌نگی" و ئه‌نجومه‌نی جه‌ماوه‌ری پشتیوانی ساناهی مرۆڤ له‌ نیگارخانه‌ی ئیرشاد به‌ڕێوه‌ ده‌چێت.

News Code 15455

نیشانەکان

بۆچوونی ئێوە

You are replying to: .
  • 5 + 6 =