خۆپیشانده‌رانی هه‌رێم ڕێگای كەلار-كفریان داخست

خۆپیشاندانی مامۆستایان و فەرمانبەران بەیانی ئەمڕۆ لە كفری دەستیپێكردەوەو رێگای سەرەكی كەلار-كفری داخست.

به‌ ڕاپۆرتی ئاژانسی هه‌واڵی مێهر، مامۆستا رێبوار عەزیز بەشداربووی خۆپیشاندانەكە بە خەندان-ی راگەیاند:بەیانی ئەمڕۆ بۆ داواكاكردنی مافەكانیان وەكو مووچەو خزمەتگوزاری بەشێك لە مامۆستایان و فەرمانبەرانی شاری كفری خۆپیشاندانیان ئەنجامداو لەئێستادا بەردەوامە.

ئاماژەی بەوەشكرد که‌ "حاڵی حازر خۆپیشاندانەكە چین و تویژەكانی دیكە بەشداریان تێدا كردوە، هەروەها پردی دەروازەی شارەكە كە رێگای كەلار - كفرییە بە رووی هاتووچۆكردن داخراوە".

باسی لەوەشكرد، خۆپیشاندانەكە تاوەكو ئێستا بە شێوەیەكی هێمنانەو دور لە توندوتیژی بەردەوامی هەیە.

ئەو خۆپیشاندەرە ئەوەشی وت: "ئەو داواكارییانەی خۆپیشاندەران هەیانە سەرەتاییترین مافی هەر هاوڵاتیەكەو پێویستە حكومەت دابینی بكات، بەڵام بەداخەوە ئێستا هاوڵاتیان خۆپیشاندان بۆ ئەو مافانە دەكەن".

دوێنێ دووشەممە خۆپیشاندان لەبەشێك لەشارو شارۆچكەكانی هەرێمی كوردستان بەڕێوەچوو، تێیدا داوای پێدانی موچە و دابینكردنی خزمەتگوزارییەكانیان كرد.

بەڕێوەچوونی خۆپیشاندانەكاندا لەكاتێكدایە ماوەی زیاتر لە دوو ساڵە هەرێمی كوردستان لەقەیرانێكی دارایی قوڵدایە.

News Code 15359

نیشانەکان

بۆچوونی ئێوە

You are replying to: .
  • 3 + 1 =