چه‌کی ناڤۆکی زیاتر دروست دکه‌ه‌ین

ڕێبه‌ری کۆریای باکوور سپاسی زانایانی ناڤۆکی وڵاته‌که‌ی کرد و ڕایگه‌یاند که‌ پیۆنگ یانگ به‌ مه‌به‌ستی به‌هێز کردنی هێزه‌ سه‌ربازییه‌کانی خۆی چه‌کی ناڤۆکی زیاتر دروست ده‌کات.

به‌ ڕاپۆرتی ئاژانسی مێهر له‌ ڕۆیترز، کیم جۆنگ ئۆن، ڕێبه‌ری کۆریای باکوور له‌ میانه‌ی دیدار له‌گه‌ڵ زانایان و به‌رپرسانی په‌ره‌دان به‌ مووشه‌کی "هۆسانگی ۱۵" ڕایگه‌یاند که‌ په‌ره‌ی زیاتر به‌ چه‌کی ناڤۆکی ده‌ده‌ن.

مووشه‌کی هۆسانگی ۱۵ دواین ده‌ستکه‌وتی مووشه‌کی کۆریای باکووره‌ که‌ کیشور پێوه‌ و ده‌توانێت خاکی ئه‌مریکاش به‌ بۆمبی ناڤۆکی بپێکێت.

شایانی ئاماژه‌یه‌ که‌ ۲۹ نۆڤامبه‌ری ئه‌مساڵ مووشه‌کی هۆسانگی ۱۵ له‌ لایه‌ن پیۆنگ یانگه‌وه‌ تاقی کرایه‌وه‌ و ئه‌مه‌ش بووه‌ جێگه‌ی کاردانه‌وه‌ی زۆربه‌ی وڵاتانی جیهان، به‌ تایبه‌ت ئه‌مریکا و هاوپه‌یمانه‌کانی.

کیم ڤۆنگ ئۆن ئاماژه‌ی داوه‌ که‌ زانایانی وڵاته‌که‌ی درێژه‌ به‌ دروست کردنی پێشکه‌وتووترین چه‌کی کیمیایی ده‌ده‌ن تاکوو سوپای ئه‌م وڵاته‌ له‌ ڕووی کوالێتی و هێز له‌ ئاستێکی باشدا بێت.

ئه‌و له‌ یه‌که‌مین دیداری خۆی سپاسی هه‌وڵ و ماندوو بوونی زانا ناڤۆکییه‌کانی وڵاته‌که‌ی کرد.

News Code 15218

نیشانەکان

بۆچوونی ئێوە

You are replying to: .
  • 1 + 10 =