دوزخورماتوو هاوه‌نباران کرا

وته‌بێژی حه‌شدی شه‌عبی ڕایگه‌یاند که‌ به‌یانی ئه‌مڕۆ به‌ هاوه‌ن گولله‌ له‌ گه‌ڕه‌که‌ تورکمان نشینه‌کانی شاری دوزخورماتوو گیراوه‌.

به‌ ڕاپۆرتی ئاژانسی مێهر، وتەبێژی سه‌ید عه‌لی هاسم حسه‌ینی، حەشدی شەعبی لە دوزخورماتوو ڕایگەیاند: سەر لەبەیانی ئەمڕۆ، چەند گوللـە هاوەنێک ئاراستەی گەڕەکە تورکمان نشینەکان کرا و لە ئێستادا دۆخی قەزاکە ناجێگیرە.

سەید عەلی هاشم ئەلحوسەینی وتەبێژی حەشدی شەعبی لە دوزخورماتوو، بە دیجیتاڵ میدیای ئێن ئاڕ تی وت، لە کاتژمێر ٩ ی بەیانی ئەمڕۆوە چەند گوللـە هاوەنێک ئاراستەی قەزاکە کراوە.

ئه‌و هه‌روه‌ها وتی: گوللـە هاوەنەکان لە گەڕەکە تورکمان نشینەکان کەوتوونەتە خوارەوە و بە هۆی نا جێگری دۆخی قەزاکەشەوە تا ئێستا زیانەکان نەزاندراوە.

حسه‌ینی ئاماژەی بۆ ئەوەش کرد که‌ بەهۆی دۆخی ئەمنییەوە باری نا ئاسایی ڕاگەیەندراوە، هەروەها دەوام لە فەرمانگەکاندا ڕاگیراوە.

شایانی باسه‌ که‌ ڕۆژی ٩ ی ئەم مانگەش چەند گوللـە هاوەنێک ئاراستەی قەزای دوزخورماتوو کرا و بەو هۆیەوە دوو کەس کوژران و ١٠ کەسی دیکەش بریندار بوون.

News Code 15191

نیشانەکان

بۆچوونی ئێوە

You are replying to: .
  • 2 + 2 =