تەقینەوەی مین لە مێهران سێ کوژراوی لێکەوتەوە

تەقینەوەی مینێکی دژە تانکی بە جێماوەی شه‌ڕی داسه‌پاو له‌ پارێزگای ئیلام بووە هۆی کوژرانی سێ کەس له‌ شاری سنووریی مێهران.

بە ڕاپۆرتی ئاژانسی هەواڵی مێهر، پاشنیوه‌ڕۆی دوێنێ دووشه‌ممه‌ به‌ هۆی ته‌قینه‌وه‌ی مینێکی دژه‌ تانک، سێ که‌س له‌ مێهران گیانی خۆیان له‌ده‌ست دا.

قوربانیان بریتی له‌ دوو ژن و پیاوێک کە ده‌سبه‌جێ گیانیان له‌ده‌ست داوه‌.

تا ئێستا وردەکاریی ئه‌و کاره‌ساته‌ له‌ لایه‌ن به‌رپرسانی پارێزگاوه‌ ڕانه‌گه‌یێندراوه‌.

شایانی باسە، ئه‌گه‌رچی سێ ده‌یه‌ زیاتره‌ شه‌ڕی نێوان ئێران و عێراق کۆتایی هاتووه،‌ هێشتاش ته‌قینه‌وه‌ی مینی پووچه‌ڵ نه‌کراو له‌ ناوچه‌کانی پارێزگای ئیلام لارەساتی لێدەکەوێتەوە و زیان به‌ گیان و ماڵی خه‌ڵکی دەگەیێنێت.

ئه‌وە له‌ حاڵێکدایه‌ چه‌ندین جار ڕاگه‌یێندراوه‌ که‌ ناوچه‌ سنوورییه‌کانی پارێزگای ئیلام له‌ مین و که‌رسته‌ی مه‌ترسیداری جه‌نگی پاک کراوه‌ته‌وه‌.

News Code 15014

نیشانەکان

بۆچوونی ئێوە

You are replying to: .
  • 1 + 2 =