دۆسیەی ڕەزا زەڕاب وەکوو پیلانی ٢٠١٣ یە

سەرۆک کۆماری تورکیا ئەمڕۆ سێشەممە لە وتارێکدا ڕایگەیاند کە تۆمەتەکان دژی ڕەزا زەڕاب پیلانێکە کە لە ساڵی ٢٠١٣ دژی دەوڵەتەکەی ئەو ڕووی دا.

بە ڕاپۆرتی ئاژانسی هەواڵی مێهر لە ئەناتۆڵی، ڕەجەب تەیب ئەردۆغان سەرۆک کۆماری تورکیا ئەمڕۆ سێشەممە لە وتارێکدا وتی: تۆمەتەکان دژی ڕەزا زەڕاب پیلانێکە کە لە ساڵی ٢٠١٣ دژی دەوڵەتەکەی ئەو ڕووی دا و ئامانجیشی لەناو بردنی دەوڵەتی تورکیایە.

ئەردۆغان کە لە کۆبوونەوەی پارتی دەسەڵاتداری داد و گەشە قسەی دەکرد لە درێژەدا وتی: ٤ ساڵ پێش یەکێ لە گەورەترین پیلانەکان دژی دەوڵەتی تورکیامان بینی و ئەمڕۆش کارێک هاوشێوەی ئەوە ئەنجام دراوە.

لە ساڵی ٢٠١٣ ی زایینی بڵاو کردنەوەی گرتەی دەنگی سەبارەت بە گەندەڵی ئابووری ئەندامانی کابینەی تورکیا بووە هۆی لەکار دەرکردنی چەند وەزیر و تەنانەت ناوی کوڕی ئەردۆغانیش لەو نێوانەدا هێنرا.

ڕەزا زەڕاب بازرگانی ئێرانی – تورکیاییش ئێستا لە ئەمریکا بە تۆمەتی سپی کردنەوەی پارە و دەور دانەوەی گەمارۆکانی ئەمریکا دژی ئێران دەستگیر کاروە و چاوەڕوانی بەڕێوە چوونی دادگایە.

News Code 14652

نیشانەکان

بۆچوونی ئێوە

You are replying to: .
  • 5 + 2 =