چاوش ئۆغڵو:

دۆخی سووریا به‌ هۆی دانوستانه‌کانی ئاستانه‌ باشتره‌

ناسەی هەواڵ: 4149594 -
وه‌زیری ده‌ره‌وه‌ی تورکیا ڕێزی له‌ ده‌رنجامی دانوستانه‌کانی ئاستانه‌ گرت و وتی: له‌مه‌ به‌دوا ده‌بێت له‌ دوای ڕێگه‌چاره‌ی سیاسی بین.

به‌ ڕاپۆرتی ئاژانسی مێهر له‌ حوریه‌ت، مه‌ولود چاوش ئۆغڵو، وه‌زیری ده‌ره‌وه‌ی تورکیا دوای دیدار له‌گه‌ڵ محه‌مه‌د جه‌واد زه‌ریف و سێرگئی لاورۆف له‌ ئانتالیای تورکیا وتی: دۆخی سووریا به‌ هۆی دانوستانه‌کانی ئاستانه‌ باشتره‌.

ئه‌و له‌مباره‌وه‌ زیادی کرد: دانوستانه‌کانی ئاستانه‌ بوه‌ هۆی ئاگربڕ و دروست کردنی چه‌ند ناوچه‌ی که‌م نانکۆک و ئاستی شه‌ڕه‌کانی له‌ سووریا که‌متر کرده‌وه‌. ئێسته‌ ده‌بێت هاکوات له‌گه‌ڵ شه‌ڕی دژ به‌ گرووپه‌ تیرۆریسته‌کانی وه‌ک داعش ده‌بێت، گرنگی به‌ ڕێگه‌چاره‌ی سیاسی بدرێت.

شایانی باسه‌ که‌ سێرگئی لاورۆف دوای کۆبوونه‌وه‌که‌ی ئانیتالیا که‌ له‌گه‌ڵ وه‌زیرانی ده‌ره‌وه‌ی ئێران و تورکیا ئه‌نجامی دا، ڕایگه‌یاند که‌ سه‌باره‌ت به‌ هه‌موو بابه‌ته‌ گرنگه‌کان به‌ ڕێککه‌وتن گه‌یشتووین. 

ئه‌و زیادی کرد: له‌ ئانتالیا کۆبووینه‌وه‌ تاکوو سه‌باره‌ت به‌ کۆبوونه‌وه‌ی ۲۲ی نۆڤامبه‌ر ئاماده‌کارییه‌کان بکه‌ین که‌ له‌ سوچی ڕووسیا به‌ڕێوه‌ ده‌چێت، ئێمه‌ لدوای ئه‌وه‌ین تاکوو بزانین باشترین دۆخ بۆ پێش بردنی دانوستانه‌کانی ژێنڤ چی ده‌بێت.

لاورۆف هه‌روه‌ها جه‌ختی کرد که‌ پێش کۆبوونه‌وه‌ی سوچی سه‌رۆکانی ئه‌رکانی سه‌ربازی هه‌ر ۳ وڵاتیش پێکه‌وه‌ کۆده‌بنەوە.

ناردنی بۆچوون

6 + 4 =