ناڕه‌زایه‌تی نوێنه‌رانی کوردی ئێران:

ده‌وڵه‌ت له‌ یارمه‌تیدانی لێقه‌وماوانی بوومه‌له‌رزه‌ که‌مته‌رخه‌مه‌

ناسەی هەواڵ: 4144014 -
ژماره‌یه‌ک له‌ نوێنه‌رانی کورد له‌ مه‌جلیسی شۆرای ئیسلامی ئێران ڕه‌خنه‌یان له‌ ده‌وڵه‌تی ئێران بۆ یارمه‌تیدانی که‌می لێقوماوانی بوومه‌رزه‌ گرت.

به‌ ڕاپۆرتی ئاژانسی مێهر، ژماره‌یه‌ک له‌ نوێنه‌رانی کورد له‌ مه‌جلیسی شۆرای ئیسلامی ئێران به‌ هۆی که‌م ته‌رخه‌می ده‌وڵه‌ت له‌ یارمه‌تی گه‌یاندن به‌ لێقه‌وماوانی بوومه‌له‌رزه‌که‌ی کرماشان ڕه‌خنه‌یان له‌ ئه‌دای ده‌وڵه‌تی ئێران گرت.

به‌ پێی ئه‌م ڕاپۆرته‌، ئه‌وان له‌ سه‌ره‌تادا پرسه‌ و سه‌ره‌خۆشی خۆیان ئاڕاسته‌ی بنه‌ماڵه‌ی قوربانیانی بوومه‌له‌رزه‌که‌ی کرماشان کردووه‌ و ئاماژه‌یان داوه‌: ئاستی به‌ده‌مه‌وه‌ چوونی خه‌ڵکی لێقه‌ماو به‌ هۆی بوومه‌له‌رزه‌کانه‌وه‌ زۆر باش نییه‌ و پێویسته‌ ده‌وڵه‌ت هه‌رچی زووتره‌ یارمه‌تی و فریاگوزارییه‌کان له‌ پارێزگاکانی ده‌ورووبه‌ره‌وه‌ ڕه‌وانه‌ی کرماشان و خه‌ڵکی لێقه‌وماو بکرێت.

هه‌روه‌ها ئاماژه‌یان داوه‌: وه‌ک ده‌زانن نه‌خۆشخانه‌ی سه‌رپێڵی زه‌هاو یه‌که‌مین شوێن بووه‌ که‌ ڕووخاوه‌ که‌ ئه‌مه‌ش نیشانی ده‌دات که‌ ئه‌م ناوچانه‌ چه‌ند له‌ ڕووی خزمه‌تگوزارییه‌وه‌ که‌م و که‌سریان هه‌یه‌، هه‌ر بۆیه‌ داوا ده‌که‌ین به‌ زووترین کات بودجه‌ بۆ کاری ده‌رمانی ناوچه‌که‌ ته‌رخان بکرێت.

نوێنه‌رانی کورد له‌ درێژه‌دا ڕایانگه‌یاندووه‌: وه‌ک دیاره‌ توانی به‌رگری بیناکانی ئێران یه‌کجار لاوازه‌ و ئه‌مه‌ش که‌مته‌رخه‌می ئێمه‌ له‌ بواره‌دا نیشان ده‌دات و ده‌بێت ئه‌م کێشه‌یه‌ هه‌رچی زووتره‌ چاره‌سه‌ر بکرێت.

ئه‌وان له‌ کۆتاییدا ئاماژه‌یان داوه‌ که‌ کرماشان زیاترین ئاماری بێکاری له‌ ئێراندا هه‌یه‌ و ئه‌مه‌ش به‌ ڕوونی ده‌یسه‌ڵمێنێت که‌ بۆچی ئه‌م ناوچه‌یه‌ به‌ باشی په‌ره‌ و گه‌شه‌ی نه‌سه‌ندووه‌ پێویسته‌ ده‌وڵه‌ت بودجه‌ی تایبه‌تی بۆ ته‌رخان بکات.

ناردنی بۆچوون

3 + 5 =