لە ئێران ؛

ژمارەی قوربانیانی بوومەلەرزە گەیشتە ۴۳۰ کوژراو و ۷۴۶۰ بریندار

ناسەی هەواڵ: 4143738 -
دواین ئاماره‌کانی بومه‌له‌رزه‌کانی ڕۆژئاوای ئێران تاکوو ئێسته‌ به‌ ۴۳۰ کوژراو و زیاتر له‌ ۷۴۶۰ هه‌زار بریندار گه‌یشتووه‌.

به‌ ڕاپۆرتی ئاژانسی مێهر، دواین ئاماره‌کانی بومه‌له‌رزه‌کانی ڕۆژئاوای ئێران تاکوو ئێسته‌ به‌ ۴۳۰ کوژراو و زیاتر له‌ ۷۴۶۰ بریندار گه‌یشتووه‌.

به‌ پێی ئه‌م ڕاپۆرته‌، هه‌ڵدانه‌وه‌ی ماڵه‌ داڕمیاوه‌کان تاکوو ئێسته‌ش به‌رده‌وامه‌ و زۆر که‌سیش بێ ئه‌وه‌ی ئاماری مردنی ڕابگه‌یه‌ندرێت به‌ خاک سپێردراوه‌، هه‌ر بۆیه‌ ئامارێکی ده‌قێق له‌ کوژراوه‌کانی ئه‌م ڕووداوه‌ هێشتا به‌ ده‌ستی که‌س نه‌گه‌یشتووه‌.

به‌ پێی هه‌واڵه‌کان خه‌ساری بومه‌له‌رزه‌کان له‌ کرماشان یه‌کجار زۆره‌ ڕاپۆرته‌ کراوه‌ و تاکوو ئێسته‌ له‌ زۆربه‌ی گونده‌کانی کرماشان کێشه‌ی نه‌مانی کاره‌با ماوه‌ و نه‌بوونی ئاوی خواره‌نه‌وه‌ش بووه‌ته‌ یه‌کێکی دیکه‌ له‌ کێشه‌ سه‌ره‌کییه‌کانی خه‌ڵکانی ئه‌م ناوچانه‌.

ئه‌وه‌ی جێگه‌ی سه‌ر سوورمانه‌وه‌ له‌ دوێنێ شه‌وه‌ تاکوو ئێسته‌ ۱۵۴ دوا له‌رزه‌ی دیکه‌ له‌ کرماشانی داوه‌ که‌ زیاتر بووه‌ته‌ هۆی داڕمانی ماڵه‌کان و فریاگوزاری ئه‌سته‌م تر کردووه‌.

له‌ ئێستادا هه‌موو هێزه‌کانی سوپای پاسدارانی و ئه‌رته‌شی ئێران سه‌رقاڵی یارمه‌تی گه‌یاندن به‌ خه‌ڵکی ناوچه‌که‌ن.

شایانی باسه‌ که‌ دوێنێ شه‌و کاتژمێر ۹ و ۴۸ خوله‌ک بوومه‌له‌رزه‌یه‌ک به‌ گوڕی ۷.۳ ڕیشته‌ر له‌ ۳۲ کیلۆمه‌تری هه‌ڵه‌بجه‌ ڕوویدا و دواجار چه‌ندین بوومه‌له‌رزه‌ی دیکه‌ شاره‌ سنوورییه‌کانی پارێزگای کرماشان و کوردستانی گرته‌وه‌.

دەستەی روماڵی جیۆلۆجی ئەمەریکا لەوبارەیەوە ڕایگەیاند: گوڕی ئەو بوومەلەرزەیەی کە ڕۆژهەڵاتی پارێزگای سلێمانی لە هەرێمی کوردستان گرتووەتەوە  ٧.٢ پلە بووە لەسەر پێوەری ڕیشتەر.

لەلایەکی ترەوە سەنتەری بوومەلەرزەی ئەمەریکا بڵاویکردەوە، سەنتەری رودانی بوومەلەرزەکە لە بازنەى جیۆلۆجیى نێوان جوانڕۆ، پاوە، سەرپێڵى زەها، هەڵەبجە و مەریوان و هەوراماندا بووە و بوومەلەرزەکەش لە قوڵایى ١٩ کیلۆمەترەوە لەو بازنەیەدا ڕوویداوە، کە ئەو بازنەیەش سنووری نێوان ڕۆژهەڵاتی پارێزگای هەڵەبجە و ڕۆژاوای ئێران  بووە.

ناردنی بۆچوون

4 + 5 =