کوردستان دەتوانێ پێشەنگی گەشەی فەرهەنگی ئێران بێت

جێگری کاروباری چاپەمەنیی وەزیری ئیرشاد وتی: کوردستان بە هۆی پێشینەی فەرهەنگیی ڕەسەنی خۆی دەتوانێت یەکێک لە پێشەنگەکانی گەشەی وڵات بێت.

بە ڕاپۆرتی ئاژانسی هەواڵی مێهر، حسێن ئینتزامی ئەمڕۆ چوارشەممە لە ڕێوڕەسمی ڕێزنان و ناساندنی بەڕێوەبەری گشتیی ئیدارەی فەرهەنگ و ئیرشادی کوردستان کە لە کۆمەڵەی فەرهەنگی و هەنەرییی فەجری سنە بەڕێوەچوو، وێرای ئاماژە بە دەفرایەتیی و لێهاتوویی باڵای پارێزگای کوردستان، وتی: پێشکەوتن و گەشەی وڵات تەنیا لە سای گەشە ناوچەکان جۆربەجۆرەکانی وەدی دێت.

ڕاشیگەیاند: گەشەی پارێزگا و ناوچەکانیش مسۆگەر نابێت مەگەر لە سای ئاوڕدانەوە لە گەشەی فەرهەنگی.

ئینتزامی وتیشی: پێویستە ئاور بدرێتەوە لە ڕوانین و ئەندێشەی بەکارهێنانی توانست و لێهاتوویی هێزەکانی بەڕێوەبەرایەتیی پارێزگا لە وەزارەتخانەی ئیرشاد لە کوردستاندا.

ناوبراو ئاماژەی بەوەش دا: دیاری کردنی کەسێک لە کارگێڕانی ئیدارەی فەرهەنگ و ئیرشادی کوردستان بۆ بەڕێوەبەریی گشتیی ئەو ئیدارەیە نیشاندەری ڕوانگەی و سیستەمی کاریی وەزارەت ئیرشاد بۆ بە کار هێنانی هێزی ناوخۆیی ئەو ڕێکخراوەیە و بێ گومان مەوداکانی نێوان پلان داڕشتن و جێبەجێ کردنیان کەم دەکاتەوە.

جێگری کاروباری چاپەمەنیی وەزیری ئیرشاد جەختی لەوەش کرد: کوردستان بە هۆی پێشینەی فەرهەنگیی ڕەسەنی خۆی دەتوانێت یەکێک لە پێشەنگەکانی گەشەی وڵات بێت.

ئینتزامی لە کۆتاییشدا ڕایگەیاند: ئەگەر بڕوامان بە فرەچەشنێی فەرهەنگی هەبێت و ئەوەی کە تا چ ڕادەیەک دەکرێت لەو رێگاوە یارمەتیی یەکڕیزی نیشتمانی و دابین کردن و بەرزکردنەوەی متمانە و ئاسایشی نیشتمانی بدەین، بێ شک وەک سەرمایەک لەو پرسە دەڕوانین.

News Code 14331

نیشانەکان

بۆچوونی ئێوە

You are replying to: .
  • 7 + 6 =