پێنج مەرجی بەغدا و مەرجەعیەت بۆ گفتوگۆ لە گەڵ هەولێر

ئەمینداری ڕێکخراوی بەدری سەر بە حەشدی شەعبی وتی: دەوڵەتی فیدراڵ و مەرجەعیەتی باڵای ئایینیی عێراق ٥ مەرجی لەوان هەڵوەشاندنەوەی ئەنجامی ڕیفراندۆمی سەربەخۆیی، بۆ دەستپێکردنەوەی گفتوگۆکان لە گەڵ هەرێمی کوردستاندا دیاری کردووە.

بە ڕاپۆرتی ئاژانسی هەواڵی مێهر بە گێرانەوە لە ئاژانسی هەواڵی "بغداد الیوم"، هادی عامری لە لێدوانێکی تەلەڤیزیۆنیدا وتیشی: مەرجی دەوڵەتی فیدراڵ بۆ دەستپێکردنەوەی گفتوگۆکان لە گەڵ هەرێمی کوردستاندا  لە پاڵ هەڵوەشاندنەوەی ئەنجامی ڕیفراندۆمەکە بریتین لە:

١- بڕوا بە یەکگرتوویی و یەکپارچەیی وڵات و گەلی عێراق.

٢- خۆبواردن لە سیاسەتی داسەپێنەرانە.

٣- پابەندبوون و ئاوردانەوە لە دەستووری عێراق بۆ ئەنجامدانی هەر جۆرە گفتوگۆیەک.

٤- پابەندبوون بە حوکمی دادگەی فیدراڵ بۆ چارەسەریی کێشە و ناکۆکییەکان.

عامری ئاماژەی بەوەش دا: پشتبەستنی هەرێمی کوردستان بە پلان و نەخشەرێگای دیاری کراوە لە لایەن مەرجەعیەتی باڵای ئایینی وڵات و ڕاگەیاندنی بڕوایان بە یەکپارچەیی عێراق و پابەندبوون بە دەستووری ئەو وڵاتە دەتوانێ زۆربەی کێشەکان چارەسەر بکات.

ناوبراو جەختی لەوەش کردەوە کە لێدوانی هەندێک لە کەسایەتییە ڕادیکاڵەکانی کورد و هەڕەشەیان لە دژی شەبەکەکان و هاووڵاتیانی دەشتی نەینەوا لە هەرێمی کوردستیان، بە هەڵوێستی فەرمیی دەوڵەتی هەرێمی کوردستان نازانین.

News Code 14212

نیشانەکان

بۆچوونی ئێوە

You are replying to: .
  • 4 + 6 =