تورکیا وڵاتێکی خێڵه‌کی نییه‌

سه‌رۆک کۆماری تورکیا له‌ میانه‌ی قسه‌کانی خۆی جه‌ختی کرد که‌ تورکیا وڵاتێکی خێڵه‌کی نییه‌ و دوژمنانی تورکیا ناتوانن به‌م کاره‌ فیتنه‌ بنێننه‌وه‌.

به‌ ڕاپۆرتی ئاژانسی مێهر له‌ ئاناتۆلی، ڕه‌جه‌ب ته‌یب ئه‌ردۆغان، سه‌رۆک کۆماری تورکیا ئه‌مڕۆ یه‌کشه‌مه‌ له‌ میانه‌ی قسه‌کانی خۆی له‌ بینای سه‌رۆک کۆماری ئه‌م وڵاته‌ وتی: هیچ کام له‌و پیلانانه‌ی که‌ له‌ وڵاتانی دیکه‌ بۆ ئاژاوه‌گێڕی به‌ڕێوه‌ چووه‌ له‌ تورکیا سه‌ری نه‌گرتووه‌ و سه‌رکه‌وتوو نه‌بووه‌.

سه‌رۆک کۆماری تورکیا درێژه‌ی دا: ئه‌م گرووپانه‌، هه‌زاران ساڵ ئه‌زمونی حکومه‌تداری ئێمه‌یان له‌ بیر کردووه‌. تورکیا وڵاتێکی خێڵه‌کی نییه‌ که‌ پیلانی ئاژاوه‌گێڕی تێیدا سه‌رکه‌وتوو بێت.

ئه‌و له‌ درێژه‌ی قسه‌کانی خۆی له‌ هه‌وڵی وڵاته‌که‌ی بۆ گه‌یشتن به‌ گه‌شه‌یه‌کی ئابووری به‌رز قسه‌ی کرد و جه‌ختی کرد که‌ ده‌وڵه‌ت له‌م ڕێگه‌یه‌دا هه‌موو هه‌وڵی خۆی ده‌دات تاکوو ئامانجه‌کان بپێکێت.

News Code 14052

نیشانەکان

بۆچوونی ئێوە

You are replying to: .
  • 8 + 9 =