خەڵک هێرشیان کردە سەر پەرلەمانی هەرێمی کوردستان

کۆمەڵێک خەڵک ھێرشیان کردە سەر پەرلەمانی هەرێمی کوردستان دارووبەردیان بەدەستەوە بووە، چوونەتە ناو باڵەخانەی پەرلەمان.

بە ڕاپۆرتی ئاژانسی هەواڵی مێهر، میدیا کوردییەکان ڕایانگەیاند کە ئەوکەسانە لەدەرگای سەرەکی پەرلەمان ھاتوونەتە ژوورەوە و  لەناو پەرلەمانن و ھێرشیان کردووەتە سەر رۆژنامەنوسانیش.

سەرچاوەیەک لە پەرلەمانی کوردستان بە خەندانی ڕاگەیاند:  ئەو کەسانە لایەنگری پارتین و ھێزە ئەمنییەکان کە ئەرکییان پاراستنی ئەمنییەتی پەرلەمانە کەمتەرخەم بوون و رێگەیان داوە بچنە ناو باڵەخانەی پەرلەمان.

سەرۆکی پەرلەمانی کوردستان، راگەیەندراوێکی بڵاوکردەوەو رایگەیاند، ژیانی سەرجەم پەرلەمانتاران و ڕۆژنامەنووسان و فەرمانبەرانی پەرلەمان لە ئەستۆی ئەو لایەن و گروپانەیە  کە ھانی توندوتیژیی دەدەن.

یوسف محەمەد، سەرۆکی پەرلەمانی هەرێمی کوردستان لەو نامەیەدا کە بۆ نوێنەرایەتی و کونسوڵی وڵاتە یەکگرتووەکانی ئەمەریکا و یەکێتی ئەوروپا و ڕێکخراوە نێودەوڵەتییەکانی بواری مافی مرۆڤ و ئازادیی ڕۆژنامەنووسی ناردووە،باسی هێرش بۆ سەر پەرلەمانی کوردستانی کردووە.

لەو پەیامەدا هاتووە: "بە داخ و نیگەرانییەکی زۆرەوە، ئێوارەی ئەمڕۆ کۆمەڵێ بەڵتەجی و کەسانی تێکدەر، دوور لە ھەمو بەھایەکی مرۆیی و بە ھاندانی حیزبیی ھێرشیان کردە سەر باڵەخانەی پەرلەمان و بە بێ ھیچ ڕێگرییەکی ھێزە ئەمنییەکان، پەلاماریی پەرلەمانتاران و ڕۆژنامەنووسانیاندا."

بە ھەموو لایەکی رادەگەیەنین ژیانی سەرجەم پەرلەمانتاران و ڕۆژنامەنووسان و فەرمانبەرانی پەرلەمان لە ئەستۆی ئەو لایەن و گروپانەیە، کە ھانی توندوتیژیی دەدەن و دەیانەوێ شکۆی یاسا و ڕووی ھەرێمەکەمان ھێندەی تر لای کۆمەڵگەی نێودەوڵەتی و دۆستەکانمان لەکەدار بکەن"

وتیشیان: "ھەموو پەیوەندییەکانمان دەخەینە گەڕ، بۆ ئەوەی کۆمەڵگەی نێوەدەوڵەتی لەم رەفتارە نا مەدەنی و نا دیموکراتییانە ئاگادار بکەینەوە."

یاسای دابەشکردنی دەسەڵاتەکانی پۆستی سەرۆکی ھەرێم پەسەندکراوە پەرلەمانتاران، لەناو باڵەخانەی پەرلەمان ماونەتەوەو ناتوانن بچنە دەرەوە.

News Code 14035

نیشانەکان

بۆچوونی ئێوە

You are replying to: .
  • 7 + 11 =