به‌رپرسێکی تورکیا:

هه‌نگاوه‌کان له‌ دژی هه‌رێمی کوردستان هێشتا کەمە

ناسەی هەواڵ: 4122746 -
سه‌رۆکی پارتی نه‌ته‌وه‌په‌ره‌ستی یه‌کێتی گه‌وره‌ی تورکیا سه‌باره‌ت به‌ چوونی هێزه‌کانی عێراق بۆ ناوچه‌ جێ ناکۆکه‌کان وتی: هه‌نگاوه‌کان له‌ دژی هه‌رێمی کوردستان به‌ ته‌واوکه‌ر نازانین.

به‌ ڕاپۆرتی ئاژانسی مێهر له‌ ئاناتۆلی، موسته‌فا ده‌ستیچی، سه‌رۆکی پارتی نه‌ته‌وه‌په‌ره‌ستی یه‌کێتی گه‌وره‌ی تورکیا پشتیوانی له‌ هه‌نگاوه‌ هاوبه‌شه‌کانی ئێران و تورکیا و عێراق له‌ دژی هه‌رێمی کوردستان کرد و ڕایگه‌یاند: هه‌نگاوه‌کان له‌ دژی هه‌رێمی کوردستان به‌ ته‌واوکه‌ر نازانین.

به‌ پێی ئه‌م ڕاپۆرته‌، حزبی نه‌ته‌وه‌په‌ره‌ستی یه‌کێتی گه‌وره‌ی تورکیا، پارتێکی نزیک له‌ ئه‌رۆدغانه‌ و سه‌رۆکه‌که‌ی له‌ درێژه‌دا زیادی کرد: ئێمه‌ به‌ ته‌واوی پشتیوانی له‌ هه‌نگاوی هاوبه‌شی ئێران و تورکیا و عێراق له‌ دژی هه‌رێمی کوردستان ده‌که‌ین، به‌ڵام ئه‌م هێرشانه‌ به‌ ته‌واوکه‌ر نازانین. ده‌بێت سنوورێکی نوێ له‌ نێوان تورکیا و عێراقدا بکرێته‌وه‌.

ئه‌و هه‌روه‌ها وتی: ته‌لعه‌فه‌ر ناوچه‌یه‌کی تورکمانییه‌ و ده‌بێت ڕێگایه‌ک بۆ ئه‌م شاره‌ بکرێته‌وه‌ تاکوو ئه‌گه‌ر له‌م ناوچه‌یه‌ شه‌ڕ ڕوویدا تورکیا بتوانێت له‌ ماوه‌ی ۳۰ خوله‌ک بخزێته‌ ناو ته‌لعه‌فه‌ر و له‌ تورکمانه‌کان پشتیوانی بکات. ڕووسیا بۆچی مافی ده‌ستێوه‌ردان له‌ گورجستانی هه‌یه‌ ئێمه‌ نه‌مانبێت؟

دستیچی له‌ کۆتایدا وتی: به‌ برایانی کوردم له‌ تورکیا و عێراق و سووریا ده‌ڵێم که‌ فریووی پاگه‌نده‌کانی دژی تورکیا مه‌خۆن بڕیک که‌س ده‌یانه‌وێت شه‌ڕی کورد و تورک هه‌ڵبگرسێنن، به‌ڵام ئێمه‌ ته‌نیا له‌ دوای به‌رژوه‌ندی خۆمانین و دژی کورد نین. ئه‌گه‌ر ڕووداوه‌کانی ساڵه‌کانی ۵۹ و ۸۰ دووباره‌ بێته‌وه‌ دڵنیا بن ئێمه‌ به‌ر له‌ هه‌رچی که‌سه‌ ده‌چینه‌ ناو شاری که‌رکووک.

ناردنی بۆچوون

7 + 7 =