فه‌رمانده‌یه‌کی ئێرانی:

ئه‌مریکا له‌ ئاسمانه‌وه‌ یارمه‌تی سه‌ربازی بۆ داعش ده‌نێرێت

ناسەی هەواڵ: 4111920 -
جێگری فه‌رمانده‌ی هێزی وشکانی سوپای پاسداران وتی: ئه‌و کاته‌ی تیرۆریسته‌کان له‌ سووریا و عێراق له‌ حاڵی شکستی یه‌کجاره‌کی بوون، ئه‌مریکا له‌ ئاسمانه‌وه‌ یارمه‌تی بۆ ده‌ناردن.

به‌ ڕاپۆرتی ئاژانسی مێهر له‌ سوپا نیوز، عه‌بدوڵا عێراقی، جێگری فه‌رمانده‌ی هێزی وشکانی سوپای پاسداران وتی: ئه‌مریکا و ڕژیمی زایۆنی دوژمنی ئێمه‌ن. ئه‌و دوو لایه‌نه‌ به‌رده‌وامن له‌ دوژمنکاری له‌ دژی ئێران و دژی بایه‌خه‌کانی ئێمه‌ن و له‌ دوای زه‌رب دان له‌ ئێمه‌ن.

ئه‌و هه‌روه‌ها زیادی کرد: هه‌موو توانی خۆیان بۆ زه‌رب دان له‌ ئێمه‌ خستووه‌ته‌ گڕ، ئێران له‌ هه‌ر شوێنێک ئاماده‌ بێت ئه‌مریکا هه‌وڵ ده‌دات تاکوو ئاسته‌نگ بۆ ئێمه‌ دروست بکات. به‌ڵام ئه‌مریکا به‌رده‌وام شکستی له‌ ئێران خواردووه‌. ئه‌مریکا له‌ ڕۆژهه‌ڵات و ڕۆژئاوای سووریا هه‌ر کات ویستوویه‌تی به‌ره‌وڕووی به‌ره‌ی خۆڕاگری ببێته‌وه‌ شکستی هێناوه‌.

سه‌ردار عێراقی وتی: ئێمه‌ نیگه‌رانی ئه‌مریکا نین. ئه‌مریکاییه‌کان پاگه‌نده‌ی دژایه‌تی داعش ده‌که‌ن به‌ڵام ڕاستی ئه‌وه‌یه‌ هه‌ر کات داعش به‌ره‌ شکست و کۆتایی چووه‌ ئه‌مریکا له‌ ڕێگه‌ی ئاسمانه‌وه‌ یارمه‌تی سه‌ربازی و خواردمه‌نی بۆ ناردوون تاکوو به‌رده‌وام بن له‌ شه‌ڕ کردن.

ئه‌و له‌ کۆتایدا جه‌ختی کرد: ئه‌و کاته‌ی تیرۆریسته‌کان له‌ سووریا و عێراق له‌ حاڵی ڕاده‌ست کردنی خۆیان بوون، ئه‌مریکا چه‌ک و خوارده‌مه‌نی به‌ فڕۆکه‌ بۆیان خسته‌ خواره‌وه‌. ئه‌مریکا هه‌ر کارێک بتوانێت بۆ پشتیوانی داعش ئه‌نجامی ده‌دات، چون به‌ باشی ده‌زانێت که‌ داعش دوژمنی ئێرانە.

ناردنی بۆچوون

9 + 0 =