پارێزگای نوێێ کوردستان لە دیمانە لە گەڵ مێهر:

کار و بەرهەم هێنان یەکمایەتیە/ شوێنگیری داخوازیە فەرهەنگییەکانی کوردستان

ناسەی هەواڵ: 4111487 -
پارێزگاری نوێی کوردستان بە ئاماژە بە یەکمایەتییەکانی کاری خۆی لە پارێزگا، وتی: پلانی تایبەتمان هەیە بۆ کار و بەرهەم هێنانی سامان لە کوردستان.

بەهمەن مورادنیا کە نیوەڕۆی ئەمڕۆ لە کۆبوونەوەی کابینەی دەوڵەت وەکوو پارێزگاری کوردستان هەڵبژێردرابوو لە وتووێژی تایبەت لە گەل هەواڵنێری مێهر، یەکمایەتییە سەرەکی و گرنگەکانی خۆی لە پارێزگا بەیان کرد.

ناوبراو وێڕای دەسخۆشی بۆ باوەڕی دەوڵەتی بیر و هیوا، وتی: سەرەتا سڵاوی گەرمم هەیە لە خزمەت خەڵکی ئازیزی کوردستان لە تەواوی شار و گوندەکان و هیوادارم بە بەشداری و هاوڕێیی ئەو ئازیزانە هەنگاوی ئەرێنی بۆ گەشەی پارێزگا هەڵێنین.

پارێزگای کوردستان زیادی کرد: کار و بەرهەم هێنان یەکمایەتیە بۆ من و بۆ گەیشتن بە ئامانجەش تەواوی هەوڵی خۆم دەخەمە گڕ.

ناوبراو  وتی: کار و پیشە و بەرهەم هێنانی سامان بە وەرگرتنی سەرمایەدانەری بیانی و بەشە دەوڵەتییەکان و کەرتی تایبەت مومکین دەبێت و هەوڵ دەدەین بۆ دروست کردنی بەستێنیشیان.

پارێزگاری کوردستان ئاشکرای کرد: بە ئەرکی سەر شانی خۆم دەزانم کە داواکارییە فەرهەنگیەکانی خەڵکی کورستان پێوشوێنگیری بکەم تا پێوەندیە فەرهەنگی، کۆمەڵایەتی و ئابوورییەکان لە گەڵ ناوەندی وڵات گەشە بکات.

ناوبراو سەبارەت بە ڕێکەوتی ناساندنی پارێزگای کوردستان وتی: لە ڕۆژانی هەفتەی داهاتوو و بە بەشداری وەزیری ناوخۆ ئەو رێوڕەسمە لە سنە بەڕێوە دەچێت.

بەهمەن موردانیا پارێزگای نوێێ کوردستان ١٠ ساڵ لە جەهادی کشتوکاڵی پارێزگا خزمەتی کردووە و پاش ئەوە لە وەزارەتی کشتوکاڵ و بوارە جیاجیاکانی تر بەرپرس بووە.

بەرپرسی پشتیوانی کاروباری ئاژەڵی وەزارەتی جەهادی کشتوکاڵ، کارگێڕی کۆمپانیای بازرگانی فەجری ئیعتبار، کارگێڕی و ئەندامێتی لیژنەی بەرپرسانی کۆمپانیای پیشەی شیرەمەنی ئێران، کارگێڕی کۆمپانیای ئیسارگەران لە پۆستەکانی پارێزگاری نوێی پارێزگای کوردستان لە وەزارەتی کشتوکاڵ دێتە ئەژمار.

ناوبراو لە خولی هەشتەمی مەجلیسی شوورای ئیسلامی وەکوو نوێنەری خەڵکی بیجاڕ و ئەندامی فراکسیۆنی بەرنامە و بوودجەی ئەو پارێزگا چالاکی دەکرد.

ناردنی بۆچوون

2 + 0 =