لە سنە بەڕێوەچوو؛

منداڵانی کوردستان زیاترین خه‌ڵاتی فستیڤاڵی نەتەوەیی وەقفیان برده‌وه‌

ناسەی هەواڵ: 4093749 -
پێنجه‌مین خولی فستیڤاڵی هونه‌ره‌ جوانه‌کانی سه‌رتانسه‌ری ئێران له‌ ژێرناوی وه‌قف له‌ کوردستان به‌ڕێوه‌ چوو کە منداڵانی کورد بە باشی درەوشانەوە.

به‌ ڕاپۆرتی ئاژانسی مێهر، پێنجه‌مین خولی فستیڤاڵی هونه‌ره‌ جوانه‌کانی سه‌رتانسه‌ری ئێران له‌ ژێرناوی وه‌قف له‌ پارێزگای کوردستان به‌ڕێوه‌ چوو.

به‌ پێی ئه‌م ڕاپۆرته‌، منداڵانی هونه‌رمه‌ندی کورد توانیان زیاترین خه‌ڵاتی فستیڤاڵه‌که‌یان مسۆگەر کرد.

ئه‌م فستیڤاڵه‌ هه‌ر ساڵ له‌ لایه‌ن ڕێکخراوی گشتی ئه‌وقافی ئێرانه‌وه له‌ ته‌مه‌نی ۴ بۆ ۱۶ ساڵ‌ به‌ڕێوه‌ ده‌چێت.

ئه‌م خوله‌ی فستیڤاڵه‌که‌ له‌ سێ به‌شی وێنه‌سازی، نیگارکێشی و کاریکاتێر و به‌ به‌شداری ۲۷ پارێزگای ئێران ئه‌نجام بوو. له‌م خوله‌دا زیاد له‌ ۸۵۰ به‌رهه‌م به‌شداریان کردبوو.

له‌ به‌شی نیگار کێشی زه‌هرا مه‌له‌کی، فایزه‌ فاتحی، ئاریا ئه‌مینی، ئایسا ئیبراهیمی و باران حه‌یده‌ری له‌ کوردستان، فاتمه‌ گوڵ محه‌مه‌دی، نازنین که‌ره‌می و نه‌ستره‌ن موسه‌وی له‌ پارێزگاکانی دیکه‌ی ئێران خه‌ڵات کران.

له‌ به‌شی کاریکاتێر ڕۆژینا فه‌تانه‌ت و سه‌ده‌ف گوڵشه‌نی له‌ کوردستان و زه‌هرا موقه‌ده‌م له‌ زه‌نجان خه‌ڵات کران.

هه‌روه‌ها له‌ به‌شی وێنه‌سازی محه‌مه‌د مێهدی غه‌فاری و پانیسا کورد ئه‌حمه‌دی له‌ کوردستان، ندا ته‌نهایی له‌ ئازه‌ربایجانی ڕۆژهه‌ڵات و زوهره‌ محه‌مه‌دی له‌ ئه‌سفه‌هان خه‌ڵات کران.

شایانی باسه‌ که‌ خه‌ڵاتی باشترین فێرگه‌ی هونه‌ره‌ جوانه‌کانی پێنجه‌مین خولی فستیڤاڵی وه‌ف به‌ فێرگه‌ی "خه‌ونی ڕه‌نگینی منداڵان" به‌ به‌ڕێوه‌به‌ری هونه‌رمه‌ند نگین وه‌کیلی له‌ شاری سنه‌ پێشکه‌ش کرا.

هه‌روه‌ها هادی زیائه‌دینی، فه‌ردین سادق ئه‌یوبی، فه‌هیمه‌ زه‌بێحی، ناسر موقه‌ده‌م، ڕه‌زا ئه‌حمه‌د یاری، نگین وکیلی و  سامان جه‌عفه‌ری داوه‌ره‌کانی ئه‌م خوله‌ی فستیڤاڵه‌که‌ بوون.

ناردنی بۆچوون

8 + 5 =