ئێران که‌مپ بۆ ئاواره‌کانی میانمار دروست ده‌کات

وته‌بێژی وه‌زاره‌تی ده‌ره‌وه‌ی ئێران ڕایگه‌یاند که‌ تاران سه‌رقاڵی دانوستانی سیاسییه‌ تاکوو یارمه‌تی موسوڵمانانی میانمار بدات.

به‌ ڕاپۆرتی ئاژانسی مێهر، به‌هرام قاسمی، وته‌بێژی وه‌زاره‌تی ده‌ره‌وه‌ی ئێران ڕایگه‌یاند که‌ تاران سه‌رقاڵی دانوستانی سیاسییه‌ تاکوو یارمه‌تی موسوڵمانانی میانمار بدات.

ئه‌و زیادی کرد: له‌ ئێستادا خاچی سووری ئێران ژماره‌یه‌ک یارمه‌تی کۆ کردووه‌ته‌وه‌ و بڕیار وایه‌ به‌ هه‌ماهه‌نگی ده‌وڵه‌تی به‌نگلادش ئه‌م یارمه‌تییه‌ مرۆڤیانه‌ بگاته‌ شاری کاکاس که‌ موسوڵمانانی میانماری تێدا ئاواره‌ بوون.

ئه‌و هه‌روه‌ها ئاماژه‌ی دا که‌ ئێران ئاماده‌یه‌ تاکوو بۆ ئاواره‌کان میانمار نه‌خۆشخانه‌ی سه‌رپێی و که‌مپی نیشته‌جێ بوون له‌ به‌نگلادش دروست بکات، هه‌ڵبه‌ت ئه‌گه‌ر ده‌وڵه‌تی به‌نگلادش له‌ سه‌ر ئه‌م پرسه‌ ڕازی بێت.

قاسمی وتی: باڵوێزی ئێران له‌ میانمار ئه‌مڕۆ له‌گه‌ڵ به‌رپرسانی ئه‌م وڵاته‌ کۆبوونه‌وه‌ی هه‌یه‌ تاکوو سه‌باره‌ت به‌ دۆخی موسوڵمانانی ئه‌م وڵاته‌ قسه‌ بکات. له‌م کۆبوونه‌وه‌ بۆچوونه‌کانی ئێران سه‌باره‌ت به‌ ده‌مارگرژییه‌کانی دژ به‌ موسوڵمانه‌کان به‌ به‌رپرسانی میانمار ڕاده‌ست ده‌کرێت.

ئه‌و هه‌روه‌ها وتی: ئێمه‌ پێشتریش داوامان له‌ به‌رپرسانی میانمار کردووه‌ تاکوو ڕێگه‌ خۆش بکه‌ن یارمه‌تییه‌ مرۆڤییه‌کان به‌ ده‌ستی موسوڵمانانی ئه‌م وڵاته‌ بگات. میانماریش جه‌ختی کردووه‌ که‌ له‌م ڕووه‌وه‌ هه‌وڵی خۆی ده‌دات و له‌ یه‌که‌مین ده‌رفه‌ت ڕێگه‌یه‌ک بۆ گه‌یاندنی یارمه‌تییه‌ مرۆڤییه‌کان به‌ موسوڵمانه‌کان ده‌دۆزنه‌وه‌.

ئه‌و له‌ کۆتاییدا جه‌ختی کرد که‌ ئێران هه‌موو هه‌وڵی خۆی ده‌خاته‌ گڕ تاکوو یارمه‌تی موسوڵمانانی میانمار بدات و وه‌زیری ده‌ره‌وه‌ی ئێرانیش له‌ نیۆیۆرک له‌ سه‌ر ئه‌م بابه‌ته‌ دانوستان ده‌کات.

News Code 12811

نیشانەکان

بۆچوونی ئێوە

You are replying to: .
  • 6 + 9 =