سوپای سووریا ڕۆژئاوای ده‌یره‌زووری کۆنتڕۆڵ کرد

ڕاکردنی به‌ کۆمه‌ڵی داعشییه‌کان به‌ هۆی پێشڕه‌وی هێزه‌کانی سووریا له‌ نزیک جاده‌ی سه‌خنه‌-ده‌یره‌زوور و کۆنترۆڵی ناوچه‌که‌ گرنگ ترین هه‌واڵه‌کانی ئه‌مڕۆی سووریان.

به‌ ڕاپۆرتی ئاژانسی مێهر له‌ ئه‌لمه‌نار، سه‌رچاوه‌ سوورییه‌کان ڕایانگه‌یاند که‌ بنکه‌ و باره‌گای تیرۆریسته‌کانی داعش له‌ به‌رزاییه‌کانی سه‌رده‌ له‌ باشووری ده‌یره‌زوور به‌ خه‌ستی بۆردمان کراوه‌.

هه‌روه‌ها سوپای سووریا و هاوپه‌یمانه‌کانی له‌ کێڵگه‌ نه‌وتییه‌کانی ته‌میم داعشییه‌کانیان به‌ ته‌واوی گه‌ماڕۆ داوه‌. هێزه‌کانی سوپای سووریا دوو ناوچه‌ی مه‌عامل و مه‌قابریان له‌ ده‌یره‌زوور ئازاد کرد.

له‌ لایه‌کی دیکه‌وه‌ هێزه‌کانی سووریا توانیانه‌ ئێزگه‌ی کاره‌بای ده‌یره‌زوور له‌ ڕۆژئاوای فڕۆکه‌خانه‌ی ئه‌م شاره‌ ئازاد بکه‌ن و به‌ ده‌یان داعشی تێدا بکوژن.

له‌ قۆڵی سه‌خنه‌-ده‌یره‌زووریش سوپای سووریا توانیه‌تی به‌ یارمه‌تی هاوپه‌یمانه‌کانی ئه‌م جاده‌ کۆنترۆڵ بکات و جاده‌که‌ له‌ مینه‌کان خاوێن بکاته‌وه‌.

سه‌رچاوه‌ سوورییه‌کان ئاماژه‌یان داوه‌ که‌ داعشییه‌کان به‌ شێوه‌یه‌کی به‌ کۆمه‌ڵ له‌ حاڵی هه‌ڵاتن دان و به‌ره‌و شاری مه‌یادین له‌ ده‌یره‌زوور ڕۆشتوون.

له‌ لایه‌کی دیکه‌وه‌ هێزه‌کانی سوپای سووریا له‌ قۆڵی سه‌خنه‌وه‌ له‌ حاڵی پێشڕه‌وین و به‌ره‌و هێزه‌کانی سووریا له‌ ناوچه‌ی بانۆراما له‌ ده‌ورووبه‌ری شاری ده‌یره‌زوور ده‌ڕۆن.

News Code 12697

نیشانەکان

بۆچوونی ئێوە

You are replying to: .
  • 5 + 11 =