ته‌له‌فزیۆنی پارێزگاکان ده‌رفه‌ته‌ بۆ ڕووبه‌ڕووبوونه‌وه‌ی هێرشی دوژمن

جێگری کاورباری پارێزگاکانی ته‌له‌فزیۆنی ئێران وتی: کاناڵی ته‌له‌فیزیۆنی پارێزگاکان ده‌رفه‌ته‌ بۆ ڕووبه‌ڕووبوونه‌وه‌ی هێرشی دوژمن و پێلانانه‌ی له‌ دژی وڵاته‌که‌مان داده‌ڕێژرێت.

به‌ ڕاپۆرتی ئاژانسی مێهر، عله‌ی دارابی، جێگری کاورباری پارێزگاکانی ته‌له‌فزیۆنی ئێران له‌ میانه‌ی بیستومین خولی فستیڤاڵی به‌رهه‌مه‌ ته‌له‌فیزیۆنییه‌کان له‌ سنه‌ وتی: کاناڵی ته‌له‌فیزیۆنی پارێزگاکان ده‌رفه‌ته‌ بۆ ڕووبه‌ڕووبوونه‌وه‌ی هێرشی دوژمن و پێلانانه‌ی له‌ دژی وڵاته‌که‌مان داده‌ڕێژرێت.

ئه‌و زیادی کرد: ته‌له‌فزیۆن له‌ ئێران سه‌ر به‌ لایه‌نێک نییه‌ و هین هه‌موو خه‌ڵک ئێران به‌ هه‌موو زمان و نژاد و ئاینێکه‌وه‌یه‌. ئامانجی سه‌ره‌کی ئێمه‌ش بلاو کردنه‌وه‌ی په‌یامی پێکه‌وه‌ ژیان و یه‌کگرتوویی خه‌ڵکی ئێرانه‌.

ئه‌و زیادی کرد: بلاو کردنه‌وه‌ی کاناڵه‌ پارێزگاییه‌کان بووه‌ته‌ هۆی ئه‌وه‌ی که‌ ئه‌م کاناڵانه‌ له‌ هه‌موو جیهان بینه‌ری تایبه‌ت به‌ خۆیانیان هه‌بێت. له‌ ئێستا خه‌ڵک له‌گه‌ڵ کاناڵه‌کانی پاریزگاکان ژیان ده‌که‌ن و بینه‌ری به‌رنامه‌کانین. له‌ حاڵێکدا که‌ دوژمنانی ئێران به‌ کردنه‌وه‌ی کانالی ئاسمانی له‌ دوای گۆڕینی بیر و بڕوای لاوانی ئه‌م وڵاته‌ن، کاناڵه‌ پارێزگاییه‌کان به‌ باشی توانیان به‌رپرسچی ئه‌م بابه‌ته‌ بده‌نه‌وه‌. 

دارابی وتی: کاتێک که‌ ئێمه‌ باسی لامه‌رکه‌زی و کاری ناوچه‌یی و په‌ره‌دان به‌ فه‌رهه‌نگه‌ جیاوازه‌کانی ئێران ده‌که‌ین، مه‌به‌ستی ئێمه‌ ئه‌وه‌یه‌ که‌ ئێران پشكی هه‌موو ئێرانییه‌کانه‌. پارێزگاکان لێوانلێوه‌ به‌ لێهاتوویی و به‌رهه‌می زۆر به‌هێز که‌ ساڵانه‌ له‌ ئاستی به‌رهه‌مه‌کانی شاری تاران دروست ده‌کرێن.

ئه‌و زیادی کرد: به‌رهه‌می پاریزگاکان به‌ ئاستێک گه‌یشتووه‌ که‌ ئێمه‌ ناچارین فستیڤاڵی تایبه‌تیان بۆ به‌ڕێوه‌ ببه‌ین و ئه‌مه‌ش ده‌بێته‌ هۆی ئه‌وه‌ی که‌ ڕکابه‌ری زیاتر بببێت و هونه‌رمه‌ندان هه‌وڵ بده‌ن به‌رهه‌می باشتری دروست بکه‌ن. بۆ نموونه‌ ئێسته‌ له‌ به‌شێ منداڵان کاری زۆر باش و به‌هێز له‌ کوردستان دروست کراوه‌ و ئه‌مه‌ش نیشان ده‌دات که‌ هونه‌رمه‌ندانی ئه‌م پارێزگایه‌ به‌ره‌و کاری پرۆفشناڵی منداڵان ڕۆشتوون که‌ به‌ ناوه‌ڕؤکی کوردییه‌وه‌ به‌رهه‌م دێت.

جێگری کاورباری پارێزگاکانی ته‌له‌فیزیۆنی ئێران وتی: به‌ش به‌ حاڵی خۆم دانی پێدا ده‌نێم که‌ پارێزگای کوردستان کانگای هونه‌رمه‌ندان و فه‌رهه‌نگه‌ و ده‌بێت به‌ڕاستی ڕێز له‌م بابه‌ته‌ بگرین، تاکوو ڕاده‌یه‌ک که‌ شاری مه‌یوان توانیه‌تی فستیڤاڵی نێونه‌ته‌وه‌یی شانۆی سه‌رشه‌قام به‌ڕێوه‌ ببات و به‌ پایته‌ختی شانۆی سه‌ر شه‌قامی ئێران ناسراوه‌.

ئه‌و جه‌ختی کرد: له‌مڕۆدا کاناڵه‌ ته‌له‌فیزیۆنه‌کانی پارێزگاکان ئه‌رکی ئه‌وه‌یان هه‌یه‌ که‌ به‌ باشی داواکارییه‌کانی خه‌ڵک بگوازنه‌وه‌ و به‌ گوێی به‌رپرسانی بگه‌یه‌نن، ئێمه‌ هه‌وڵ ده‌ده‌ین تاکوو ئه‌م ڕێچکه‌ ته‌ندروسته‌ سه‌ربگرێت، خه‌ڵکیش چاوه‌ڕوانی ئه‌وه‌ن که‌ ته‌له‌فیزیۆن داواکاری و فه‌هه‌نگ و خواستی ئه‌وان بڵاو بکاته‌وه‌.

شایانی باسه‌ که‌ بیستومین خولی فستیڤاڵی به‌رهه‌مه‌ ته‌له‌فیزیۆنییه‌کانی پارێزگاکانی ئێران به‌ به‌شداری هه‌موو پارێزگاکانی ئێران به‌ میوانداری شاری سنه‌ به‌ڕێوه‌ ده‌چێت و هه‌ر به‌م بۆنه‌وه‌ چه‌ندین به‌رنامه‌ له‌ شاره‌که‌ ئه‌نجام ده‌بێت.

News Code 12619

نیشانەکان

بۆچوونی ئێوە

You are replying to: .
  • 7 + 5 =