داعش له‌ سووریا له‌ شکستی یه‌کجاره‌کی نزیک بووه‌ته‌وه‌

سه‌رچاوه‌ سوورییه‌کان ئاماژه‌یان به‌ نزیک بوونه‌وه‌ی شکستی داعش له‌ ده‌یره‌زوور کرد و زیادیان کرد که‌ هێزه‌کانی سوپای سووریا سه‌رقاڵی ته‌ڤڵ بوون به‌ چوارگۆشه‌ی ئه‌منی ناو شاره‌که‌ن.

به‌ ڕاپۆرتی ئاژانسی مێهر له‌ ئه‌لمه‌نار، نوێ ترین نه‌خشه‌کانی نیشانی ده‌ده‌ن که‌ سوپای سووریا و هاوپه‌یمانکانی شارۆچه‌کی شه‌ولایان له‌ نزیک ده‌یره‌زوور کۆنترۆڵ کردووه‌.

سوپای سووریا و هاوپه‌یمانه‌کانی دوای ئازاد کردنی ناوچه‌ی مه‌جبه‌ل سه‌رقاڵی ئه‌وه‌ن که‌ هه‌رچی زووتره‌ به‌ چوارگۆشه‌ی ئه‌من له‌ ده‌یره‌زوور بگه‌ن، ئه‌م ناوچه‌یه‌ له‌ ساڵی ۲۰۱۴وه‌ خۆڕاگری کردووه‌ و ته‌سلیمی تیرۆریسته‌کانی داعش نه‌بووه‌.

هه‌روه‌ها مێدیاکانی سووریا ئاماژه‌یان داوه‌ که‌ تیرۆریسته‌کان چه‌که‌کانیان جێدێڵن و ڕا ده‌که‌ن و پێشڕه‌وییه‌کانی سوپای سووریا درێژه‌ی هه‌یه‌.

هه‌روه‌ها سوپای سووریا له‌ ئێستادا سه‌رقاڵی پووچه‌ڵ کردنه‌وه‌ی ئه‌م بۆمبانه‌یه‌ که‌ داعش له‌ ده‌رووبه‌ری ده‌یره‌زوور چاندوویه‌تی، دوای ئه‌م ئه‌م کاره‌ هێزه‌کانی سووریا ئۆپراسیۆنی ئازاد کردنی یه‌کجاره‌کی شاره‌که‌ ده‌ست پێ ده‌که‌ن.

به‌ پێی ڕاپۆرته‌کان سوپای سووریا ۳ کیلۆمه‌تری ماوه‌ تاکوو بچێته‌ ناو شاری ده‌یره‌زووره‌وه‌.

له‌م هێرشانه‌دا هێزه‌کانی سووریا له‌ لایه‌ن فڕۆکه‌ جه‌نگییه‌کانی ڕووسیاوه‌ پشتیوانی ده‌کرێن و بنکه‌ و باره‌گاکانی داعش به‌ خه‌ستی بۆردمان ده‌بن.

له‌ لایه‌کی دیکه‌وه‌ مێدیاکان ئاماژه‌یان داوه‌ که‌ دانیشتووانی ده‌یره‌زوور دوای به‌ دوای نزیک بوونه‌وه‌ی سوپای سووریا ده‌ستیان به‌ خۆشی کردووه‌ و ڕژاونه‌ته‌ سه‌ر شه‌قامه‌کان.

وه‌زاره‌تی بازه‌رگانی سووریاش به‌ مه‌به‌ستی پشتیوانی له‌ خه‌ڵکی ناو شاره‌که‌ به‌ ده‌یان پاس یارمه‌تی مرۆڤی ڕه‌وانه‌ی ناوچه‌که‌ کردووه‌.

پارێزگاری سووریاش ڕایگه‌یاند که‌ داعشییه‌کان له‌ ده‌یره‌زوور به‌ ته‌واوی وره‌یان له‌ ده‌ست داوه‌ به‌ زوویی هه‌واڵی سه‌رکه‌تونی یه‌کجاره‌کی بڵاو ده‌بێته‌وه‌.

سوپای سووریا له‌ دوو قۆڵی باشووری ڕۆژئاوای ده‌یره‌زوور و باکووری ڕۆژئاوای شاره‌که‌ له‌ پێشڕه‌ویی دایه‌ و به‌م جۆره‌ داعشییه‌کان توانی به‌گریان که‌متر ده‌بێته‌وه‌.

سه‌رچاوه‌ سوورییه‌کان هه‌روه‌ها ئاماژه‌یان داوه‌ که‌ ژماره‌یه‌کی زۆر داعشی له‌م هێرشانه‌دا کوژراو بو بریندار بوون.

News Code 12576

نیشانەکان

بۆچوونی ئێوە

You are replying to: .
  • 3 + 11 =