عه‌ره‌بستان هێرش بۆ سه‌ر ئێرانی له‌ مێدیاکان قه‌ده‌غه‌ کرد

ڕۆژنامه‌یه‌کی عه‌ره‌بی له‌ زاری سه‌رچاوه‌ سعوودییه‌کانه‌وه‌ ڕایگه‌یاند: حکوومه‌تی عه‌ره‌بستان ڕۆژنامه‌کان و کاناڵه‌ ئاسمانییه‌کانی ناوخۆ و ده‌ره‌وه‌ی له‌ هێرش کردن بۆ سه‌ر ئێران قه‌ده‌غه‌ کردووه‌.

به‌ ڕاپۆرتی ئاژانسی مێهر، ماڵپه‌ڕی عه‌رب زمانی "رای الیوم" له‌ زاری سه‌رچاوه‌ سعوودییه‌کان ڕایگه‌یاند: حکوومه‌تی عه‌ره‌بستان له‌ میانه‌ی فه‌رمانێکدا ڕۆژنامه‌کان و کاناڵه‌ ماهوارییه‌کانی ناوخۆ و ده‌ره‌وه‌ی له‌ هێرش کردن بۆ سه‌ر ئێران یان شیعه‌کان قه‌ده‌غه‌ کردووه‌.

به‌وجۆره‌ی که‌ ڕۆژنامه‌که‌ ئاماژه‌ی داوه‌ ئه‌م فه‌رمانه‌ ئه‌و نووسه‌ره‌ سعوودیانه‌ش ده‌گرێته‌وه‌ که‌ هاوکاری مێدیاکان ده‌که‌ن و کاناڵه‌ ئاسمانییه‌ هاوپه‌یوه‌نده‌کانیش ده‌گرێته‌وه‌.

ڕاشگه‌یێندراوه‌ که‌ ئه‌م فه‌رمانه‌ له‌ چوارچێوه‌ی نزیک بوونه‌وه‌ی نێوان دوو وڵات و دوای ڕێککه‌وتن سه‌باره‌ت به‌ بابه‌تی حه‌ج و ڕچاو کردنی فه‌رمانه‌کانی حه‌ج له‌ لایه‌ن ئێرانه‌وه‌، ڕاگه‌یه‌ندراوه‌.

به‌ پێی ئه‌م ڕاپۆرته‌ لێژه‌نه‌ سعوودییه‌که‌ که‌ بڕیار وایه‌ بۆ دیداری باڵوێزخانه‌ی عه‌ره‌بستان سه‌ردانی ئێران بکات، کاری نوێژه‌ن کردنه‌وه‌ی ئه‌م باڵوێزخانه‌یه‌ به‌ زوویی ده‌ست پێ ده‌کات.

هه‌روه‌ها ئه‌م ڕۆژنامه‌یه‌ ئاماژه‌ی داوه‌ که‌ ئه‌گه‌ری ئه‌وه‌ ده‌ڕوات باڵوێزخانه‌ی سعوودییه‌ تاکوو مانگی داهاتوو له‌ ئێران بکرێته‌وه‌.

News Code 12570

نیشانەکان

بۆچوونی ئێوە

You are replying to: .
  • 2 + 4 =