زیاتر له‌ ۴۰۰ موسوڵمانی میانماری لە حەوتەیەکدا کوژراون

نه‌ته‌وه‌ یه‌کگرتووه‌کان ڕایگه‌یاند که‌ له‌ میانه‌ی شه‌ڕ و پێکدادانه‌کانی حه‌وته‌ی ڕابردوو له‌ میانمار زیاتر له‌ ۴۰۰ موسوڵمانی ئه‌م وڵاته‌ کوژراون.

به‌ ڕاپۆرتی ئاژانسی مێهر له‌ داون نیوز، ڕێکخراوی نه‌ته‌وه‌ یه‌کگرتووه‌کان ڕایگه‌یاند که‌ سوپای میانمار به‌ بیانۆی شه‌ڕی دژ به‌ تیرۆر هێرشی کردووه‌ته‌ سه‌ر موسوڵمانانی ئه‌م وڵاته‌ و ۴۰۰ که‌سی له‌ حه‌وته‌ی ڕابردوودا کوشتووه‌.

هه‌روه‌ها به‌ پێی ئه‌م ڕاپۆرته‌ی نه‌ته‌وه‌ یه‌کگرتووه‌کان دوابه‌دوای هێرشی سوپای میانمار بۆ سه‌ر باکووری ڕۆژئاوای ئه‌م وڵاته‌ زیاتر له‌ ۳۸ هه‌زار موسوڵمانی ڕۆهنگیایی ئاواره‌ی سه‌ر سنووره‌کانی به‌نگلادش بوون.

له‌ لایه‌کی دیکه‌وه‌ ده‌وڵه‌تی به‌نگلادش ئاماده‌ نییه‌ ئه‌م په‌نابه‌رانه‌ وه‌ربگرێت و ڕایگه‌یاندووه‌ که‌ توانی وه‌رگرتنی ئه‌م ڕێژه‌ له‌ ئاواره‌ی نییه‌ و ده‌بێت نه‌ته‌وه‌ یه‌کگرتووه‌کان له‌ ئه‌ستۆیان بگرێت.

شایانی باسه‌ که‌ ساڵی ۲۰۱۲ش هێرش کرایه‌ سه‌ر موسوڵمانه‌کانی ئه‌م ناوچه‌یه‌ی میانمار و ۲۰۰ که‌سیان کوژراو و زیاتر له‌ ۴۰ که‌سیان ئاواره‌ بوون.

ده‌وڵه‌تی میانمار ڕایگه‌یاندووه‌ که‌ چه‌کداره‌ موسوڵمانه‌کانی ئه‌م ناوچه‌یه‌ ناو به‌ ناو هێرش ده‌که‌نه‌ سه‌ر بنکه‌ و باره‌گای هێزه‌کانی پۆلیس و سوپا و ئه‌وانیش وڵامی ئه‌م هێرشانه‌یان داوه‌ته‌وه‌. به‌ڵام له‌م نێوانه‌دا به‌ردوام که‌سانی سڤیل ده‌بنه‌ قوربانی ناکۆکییه‌کان.

News Code 12527

نیشانەکان

بۆچوونی ئێوە

You are replying to: .
  • 3 + 2 =