هاوپه‌یمانیی کۆنترۆڵی ڕه‌قه‌ی کۆنی پشت ڕاست نەکردەوە

هاوپه‌یمانی نێونه‌ته‌وه‌یی دژه‌ داعش به‌ ڕێبه‌ری ئه‌مریکا ڕایگه‌یاند که‌ ئه‌م هاوپه‌یمانییه‌ تاکوو ئێسته‌ ناتوانێت هه‌واڵی ئازاد بوونی به‌شی کۆنی شاری ڕه‌قه‌ پشت ڕاست بکاته‌وه‌.

به‌ ڕاپۆرته‌ی ئاژانسی مێهر له‌ سپۆنتیک، وته‌بێژی هاوه‌پمانی دژه‌ داعش به‌ ڕێبه‌ری ئه‌مریکا له‌ کاردانه‌وه‌ به‌ هه‌واڵی ئازاد بوونی به‌شی کۆنی شاری ڕه‌قه‌ وتی: تاکوو ئێسته‌ ئه‌م هاوپه‌یمانییه‌ ناتوانێت ئه‌م هه‌واڵه‌ پشت ڕاست بکاته‌وه‌.

ڕۆژی هه‌ینی، ته‌لال حه‌سۆ، وته‌بێژی هێزه‌کانی دیموکڕاتیکی سووریا ڕایگه‌یاند که‌ به‌شی کۆنی شاری ڕه‌قه‌ به‌ ته‌واوی ئازاد بووه‌ و له‌ ئێستادا هێزه‌کانی داعش له‌ ناوه‌ندی شاره‌که‌ گه‌ماڕۆ دراون.

وته‌بێژی هاوپه‌یمانی دژه‌ داعش به‌ ڕێبه‌ری ئه‌مریکا له‌ درێژه‌ی قسه‌کانی خۆی جه‌ختی کرد که‌ هێزه‌کانی دیموکڕاتیکی سووریا توانیانه‌ پێشکه‌وتنی زۆر باش به‌ ده‌ست بێنن و به‌ره‌و ناوه‌ندی شاره‌که‌ ده‌ڕۆن و به‌شێکی زۆری شاره‌که‌ش ئازاد بووه‌.

ناوه‌ندی سه‌ره‌کی تیرۆریسته‌کانی داعش له‌ سووریا له‌ شاری ڕه‌قه‌یه‌ و له‌ کاتی ده‌ست پێ کردنی پڕۆسه‌ی ئازاد کردنی شاره‌که‌ تاکوو ئێسته‌ به‌شێکی زۆری ڕه‌قه‌ له‌ لایه‌ن هێزه‌ کوردییه‌کان ئازاد بووه‌ و داعش به‌ره‌و ده‌یره‌زوور پاشه‌کشه‌ی کردووه‌.

News Code 12492

نیشانەکان

بۆچوونی ئێوە

You are replying to: .
  • 9 + 1 =