یەکەمین فستیڤاڵی نێونەتەوەیی دەف دەنگی ڕەحمەت کۆتایی هات

یەکەمین فستیڤاڵی نێونەتەوەیی دەف دەنگی ڕەحمەت بە ناساندنی گرووپ و کەسە براوەکان کۆتایی پێهات.

بە ڕاپۆرتی هەواڵنێری مێهر، بەیانی ئەمڕۆ هەینی ۱۰ی خەرمانان، هاوکات لەگەڵ ڕۆژی جەژنی قوربان، ڕێوڕەسمی کۆتایی هاتنی یەکەمین فستیڤاڵی نێونەتەوەیی دەف دەنگی ڕەحمەت کە هەفتەمین خولی نەتەوەیی ئەم فستیڤاڵەش بوو، بە ئامادەبوونی بەرپرسانی باڵای پارێزگای کوردستان، هونەرمەندان و لایەنگرانی مۆسیقای عێرفانی لە پەردیسی سینەمایی بەهمەنی سنە بەڕێوەچوو.

لە سەرەتای ئەم ڕێوڕەسمەدا ئەمین مورادی ، سەرۆکی حەوزەی هونەری کوردستان ئاماژەی دایە هاکاری هونەرمەندان و بەرپرسانی باڵای پارێزگای کوردستا لەگەڵ ئەو ناوەندە بۆ بەڕێوەبردنی  فستیڤاڵی دەف دەنگی  ڕەحمەت و جەختی کرد کە بە کەمترین گوژمە ئەم فستیڤاڵەیان لە ئاستێکی زۆر باڵادا بەڕێوەبردووە.

مورادی جەختیشی کرد کە کوردستان ئاخێزگای زانستی ئایینی، مۆسیقا  بە تایبەتی مۆسیقای عیرفانیە و دەبێ هەوڵی زیاتر بدرێت بۆ ئەوەی کوردستان لەم بوارەدا زیاتر لە ئاستی جیهان بدرەوشێتەوە و جیهان کوردستان بەم ئامێرە مۆسیقاییەوە زیاتر بناسێت.

لە بەشێکی دیکەی ڕێوڕەسمەکە ئایەتوڵڵا حسینی شاهروودی نوێنەری ئایەتوڵڵا خامنەیی لە پارێزگای کوردستان  لە لێدوانێکدا وتی: دەف هاوڕێژە لەگەڵ فەرهەنگی ئایینی کوردستان و مۆسیقایەکی ڕۆحیە کە دژایەتی لەگەڵ بنەما ئیسلامییەکان نییە.

News Code 12474

نیشانەکان

بۆچوونی ئێوە

You are replying to: .
  • 4 + 10 =