ئه‌سه‌د کۆنترۆڵی سووریا به‌ ده‌سته‌وه‌ ده‌گرێت

ڕۆژنامه‌یه‌کی ئیسڕائیلی له‌ زاری به‌رپرسانی ڕژیمی زایۆنی ڕایگه‌یاند که‌ به‌شار ئه‌سه‌د له‌ کۆتایدا کۆنترۆڵی سووریا به‌ ده‌سته‌وه‌ ده‌گرێت.

به‌ ڕاپۆرتی ئاژانسی مێهر له‌ سپۆنتیک، ڕۆژنامه‌ی ئیسرائیل هایۆن ڕاپۆرتی داوه‌ که‌ به‌رپرسانی وه‌زاره‌تی شه‌ڕی ڕژیمی زایۆنی له‌ سه‌ر ئه‌م بڕوایه‌ن که‌ به‌شار ئه‌سه‌د، سه‌رۆک کۆماری ڕووسیا تاکوو کۆتایی ئه‌مساڵ کۆنترۆڵی زۆربه‌ی ناوچه‌کانی ئه‌م وڵاته‌ به‌ ده‌سته‌وه‌ ده‌گرێت.

ئیسڕائیلییه‌کان هه‌روه‌ها جه‌ختیان کردووه‌ که‌ ئه‌م پڕۆسه‌یه‌ به‌ هۆی بێ چالاکی جیهان له‌ به‌رانبه‌ر ئه‌سه‌د و به‌ تایبه‌ت بڕیاره‌که‌ی ئه‌مریکایه‌ که‌ یارمه‌تی دانی ئۆپۆزیسیۆنی سووریای ڕاگرتووه‌. هه‌روه‌ها بووه‌ته‌ هۆی ئه‌وه‌ی که‌ ئێران ڕۆڵێکی زیاتری له‌ سووریادا بێت.

ئه‌م ڕۆژنامه‌یه‌ له‌ درێژه‌دا نووسی که‌ نوێترین لێکدانه‌وه‌کان له‌ دۆخی سووریا له‌ وه‌زاره‌تی جه‌نگی ئیسڕائیل نیشانی ده‌دات که‌ دۆخی سیاسی له‌م وڵاته‌ بۆ به‌ر له‌ ۲۰۱۱ه‌ش ناگه‌ڕێته‌وه‌. ئه‌وان ئاماژه‌یان داوه‌ که‌ سووریا بۆ چه‌ند هه‌رێمکی سه‌ربه‌خۆ دابه‌ش ده‌بێت.

ئه‌م ڕاپۆرته‌ جه‌ختی کرد: ئاڵ و گۆڕه‌کان له‌ ساڵی ۲۰۱۴وه‌ ده‌ستی پێ کرد یانی ئه‌وکاته‌ی ده‌وڵه‌تی باراک ئۆباما، سه‌رۆک کۆماری پێشووی هه‌وڵی دا تاکوو دژی داعش بوه‌ستێته‌وه‌ نه‌ک به‌شار ئه‌سه‌د. 

هه‌روه‌ها ده‌وڵه‌ته‌که‌ی ترامپیش زیاتر سه‌رقاڵی بابه‌ته‌ ناوخۆیی و نێونه‌ته‌وه‌ییه‌کانی دیکه‌یه‌، وه‌ک کۆریای باکوور. مێدیا ئه‌مریکاییه‌کانیش له‌ سه‌ر ئه‌م بڕوایه‌ن که‌ ترامپ فه‌رمانی به‌ ناوه‌نده‌ هه‌واڵگرییه‌کانی ئه‌مریکا داوه‌ تاکوو به‌رنامه‌ی نه‌هێنی پشتیوانی سه‌ربازی له‌ ئۆپزسیۆنی سووریا که‌ له‌ ۲۰۱۳وه‌ ده‌ستی پێ کردووه‌، کۆتایی پێ بهێنن.

News Code 12455

نیشانەکان

بۆچوونی ئێوە

You are replying to: .
  • 2 + 10 =