قلیچدار ئۆغڵو دیسان دژی ئه‌ردۆغان چالاکی ده‌کات

گه‌وره‌ترین حزبی ئۆپۆزیسیۆنی تورکیا ئه‌مڕۆ بۆ ماوه‌ی ۴ ڕۆژ کۆنگره‌یه‌ک له‌ ژێر ناوی داد به‌ڕێوه‌ ده‌بات که‌ تێیدا باسی نادادپه‌روه‌رییه‌کان له‌ ده‌وڵه‌تی ئه‌نقه‌ره‌دا ده‌کات.

به‌ ڕاپۆرتی ئاژانسی مێهر له‌ فرانس پرێس، که‌ماڵ قلیچدار ئۆغڵو، سه‌رۆکی پارتی کۆماری خوازی تورکیا، سه‌ره‌کی ترین حزبی ئۆپۆزیسیۆنی تورکیا له‌مڕۆ شه‌مه‌وه‌ بۆ ماوه‌ی ۴ ڕۆژ کۆبوونه‌وه‌یه‌ک به‌ ناوی کۆنگره‌ی داد به‌ڕێوه‌ ده‌بات.

ئه‌مه‌ له‌ حاڵێک دایه‌ که‌ ئه‌و ماوه‌یه‌ک به‌ر له‌ ئێستا ڕێپێوانێکی به‌ ناوه‌ڕۆکی داد و دژایه‌تی کردنی نادادپه‌روه‌ری له‌ تورکیا و ده‌وڵه‌ته‌که‌ی ڕه‌جه‌ب ته‌یب ئه‌ردۆغان، سه‌رۆک کۆماری تورکیا به‌ڕێوه‌ برد، ئه‌م ڕێپێوانه‌ یه‌ک مانگ درێژه‌ی هه‌بوو، تێیدا ۴۵۰ کیلۆمه‌تر له‌ نێوان دوو شاری ئه‌سته‌نبۆل و ئه‌نقره‌ ڕێپێوان کرا.

کۆنگره‌ی داد بڕیار وایه‌ له‌ پارێزگای کاناکاڵ له‌ شوێنێکی گشتی و به‌ جه‌خت کردنه‌وه‌ له‌ سه‌ر بابه‌تێکی تیابه‌تی مافی مرۆڤی به‌ڕێوه‌ بچێت.

هاوکات، ئه‌ردۆغانیش ئه‌مڕۆ ڕایگه‌یاند که‌ له‌ به‌شێکی دیکه‌ی تورکیا ساڵوه‌گه‌ری شه‌ڕی مالازگیرت (۱۰۷۱ی زاینی) به‌ڕێوه‌ ده‌بات که‌ تێیدا عوسمانییه‌کان به‌ سه‌ر ئیمپڕاتۆری بیزانسدا سه‌رکه‌وتن.

 شایانی باسه‌ که‌ قلیچدار ئۆغڵو له‌ ناوی داد به‌ مه‌به‌ستی ڕه‌خنه‌ کردن له‌ ناوی پارتی داد و گه‌شه‌ که‌ڵک ده‌بات و ده‌یه‌وێت ناکۆکییه‌کانی ئه‌م پارته‌ و دروشمه‌کانی بخاته‌ ژێر پرسیاری خۆیه‌وه‌.

News Code 12295

نیشانەکان

بۆچوونی ئێوە

You are replying to: .
  • 1 + 1 =