۹۳ داعشی له‌ ڕه‌قه‌ کوژران

شه‌ڕی نێوان هێزه‌ کوردییه‌کان و تیرۆرریسته‌کانی داعش له‌ ڕه‌قه‌ تادێت توندتر ده‌بێته‌وه‌ و دوێنێ ۹۳ داعشی کوژراون.

به‌ ڕاپۆرتی ئاژانسی مێهر له‌ ئارا نیوز، هێزه‌ کوردییه‌کان له‌ دوێنێوه‌ گورزی کوشنده‌یان له‌ تیرۆریسته‌کانی داعش داوه‌ و ۹۳ تیرۆریستیان له‌ ڕه‌قه‌ کوشتووه‌.

به‌ پێی ئه‌م ڕاپۆرته‌، دوێنێ له‌ میانه‌ی ئه‌م شه‌ڕانه‌دا چه‌ندین ئۆتۆمبیلی بۆمب ڕێژکراوی داعشییه‌کان ته‌قێندراوه‌ته‌وه‌.

له‌ به‌یانی دوێنێوه‌ شه‌ڕه‌کان به‌ قورسی ده‌ستی پێ کرد و تاکوو ئه‌مڕۆش به‌رده‌وامه‌ و به‌ سه‌دان داعش کوژاو و بریندار بوون.

شه‌ڕه‌کان له‌ ناوچه‌کانی ڕه‌وزه‌، مه‌نسوور، ڕه‌شید، به‌رید، نه‌هزه‌، ده‌رعییه‌ و نه‌زله‌ شه‌حاده‌ درێژه‌ی هه‌یه‌ و به‌م هۆیه‌وه‌ ۹۳ تیرۆریستی داعشی کوژراون.

هه‌روه‌ها له‌م شه‌ڕانه‌ ۶ هێزی کورد گیانی خۆیان له‌ ده‌ست داوه‌ و ۱۱ که‌سی دیکه‌ش بریندار بوون.

شایانی باسه‌ که‌ ماوه‌ی ۲ مانگدا هێزه‌ کوردییه‌کان ئۆپراسیۆنی ئازاد کردنی شاری ڕه‌قه‌یان ده‌ست پێ کردووه‌ و تاکوو ئێسته‌ نزیک به‌ ۶۰ له‌ سه‌دی شاره‌که‌یان ئازاد کردووه‌.

News Code 12015

نیشانەکان

بۆچوونی ئێوە

You are replying to: .
  • 3 + 11 =