خوێنی پاکی شه‌هید حوجه‌جی وه‌بیرهێنه‌ره‌وه‌ی عاشوورا

ماوه‌ی چه‌ند ڕۆژ پێش ئێستا شه‌هید موحسن حوجه‌جی له‌ سووریا به‌ ده‌ستی تیرۆریسته‌کانی داعش سه‌ربڕا، ئه‌م ڕووداوه‌ ده‌نگۆیه‌کی زۆری له‌ ئێران بووه‌ و وه‌بیرهێنه‌وه‌ی عاشورایه‌ بۆ شیعه‌کان.

ئاژانسی مێهر، به‌شی نێونه‌ته‌وه‌یی، ڕامین حسه‌ین ئابادی: شه‌هید بوونی پڕ له‌ ئازاری شه‌هید موحسن حوجه‌جی به‌ ده‌ستی تیرۆریسته‌کان له‌ سووریا بووه‌ته‌ هۆی دروست بوونی شه‌پۆلێکی گه‌وره‌ی غه‌م و په‌ژاره‌. ئه‌م لاوه‌ ئێرانییه‌ به‌ ده‌ستی ئه‌و تیرۆریستانه‌ شه‌هید بوو که‌ هیچ سنوورێکی مرۆڤی ناناسن و هه‌ر له‌ مێژه‌وه‌ وه‌ک خاڵێکی شه‌رمه‌زاری به‌ پێشووی مێژووه‌ ده‌ناڵێنن.

ته‌کفیرییه‌کان له‌ سه‌ر هه‌مان ڕێبازی کۆنی خۆیان گرته‌یه‌کی ڤیدیۆیان له‌ شه‌هید حه‌جه‌جی هه‌ڵگرت که‌ ته‌نیا نیشانی ده‌دا که‌ جیهانی ئه‌مڕۆ تووشی چ جه‌لاد و جه‌نایه‌تکارانێک بوون و ته‌نیا خۆڕاگری له‌ به‌رانبه‌ر ئه‌مانه‌ دایه‌ که‌ له‌م جه‌نایه‌تانه‌ ڕزگارمان ده‌کات، وه‌ک چۆن شه‌هید حوجه‌جی له‌ کاتی شه‌هید بوونیدا به‌ سه‌ری به‌رز و به‌ دڵنیاییه‌وه‌ به‌ره‌و شه‌هید بوون ڕۆیشت و باکی له‌ تیرۆریسته‌کان نه‌بوو.

ئه‌و پێشتریش نووسیبووی که‌ باکی له‌ تیرۆریسته‌کان نییه‌ چون خولیای شه‌هید بوونی هه‌یه‌ له‌ پێناو ئازادی و دادپه‌روه‌ریدا و ئه‌م بابه‌تانه‌ شه‌پۆلێک ده‌نگۆی له‌ ناوخۆ و ده‌ره‌وه‌ی ئێران به‌ دوای خۆیدا هێنا.

زۆربه‌ی هونه‌رمه‌ندان، وه‌رزشکاران، سیاسییه‌کان، فه‌رمانده‌ سه‌ربازییه‌کان یه‌ک به‌ یه‌ک بابه‌تێکیان له‌ وه‌سفی ئازایه‌تی و هاوکات مه‌زڵوومیه‌تی ئه‌م شه‌هیده‌ نووسی و بڵاویان کردووه‌ تاکوو ڕێزی خۆیان بۆ ئه‌م قاره‌مانه‌ ئێرانییه‌ نیشان دابێت.

له‌م نێوانه‌دا، مه‌ناز سه‌باغ، پێشکه‌شکاری کاناڵی لوبنانی ئه‌لمه‌نار له‌ تویتره‌که‌ی خۆی نووسی: به‌رده‌وام هه‌وڵم داوه‌ که‌ ڕووداوی عاشورا و شه‌هید بوونی حسه‌ین و شمری بکوژ له‌ لای خۆم وێنا بکه‌م، ئه‌مڕۆ من ئه‌م ڕووداوه‌م جارێکی دیکه‌ و به‌ شێوه‌یه‌کی ڕاسته‌قینه‌ له‌ شه‌هید بوونی شه‌هید موحسن حوجه‌جیدا دی، جارێکی دیکه‌ مێژو ده‌قاوده‌ق دووباره‌ کرایه‌وه‌. 

ڕاست هه‌ر وه‌هاشه‌، مێژوو دووباره‌ کرایه‌وه‌، ئه‌وه‌ی شیعه‌ بێت یان مێژووی ئیسلام به‌ باشی بزانێت، باش ده‌زانێت که‌ ئه‌م وێنانه‌ی شه‌هید موحسن حوجه‌جی چه‌ند هاوشێوه‌ی هه‌مان ڕووداوه‌کانی که‌ربه‌لایه‌ که‌ یه‌ک به‌ یه‌کی یارانی ئیمام حسه‌نیان به‌م شێوه‌یه‌ شه‌هید کرد و سه‌ربڕی و ته‌نانه‌ت ڕه‌حمیان به‌ ئه‌سیره‌کانیش نه‌کرد.

له‌ لایه‌کی دیکه‌وه‌، عه‌دنان مه‌حموود، باڵوێزی سووریا له‌ ئێران له‌ کاردانه‌وه‌ به‌م جه‌نایه‌ته‌ نووسی: خوێنی شه‌هید موحسن حوجه‌جی سه‌رکه‌وتن به‌ سه‌ر تیرۆردا مسۆگر ده‌کات من دڵنیام له‌م بابه‌ته‌ و ئه‌مه‌ له‌ ویژدانی هه‌موو گه‌لانی ناوچه‌که‌دا قبوڵ نه‌کراوه‌.

ئه‌و زیادی کرد: ئه‌م جه‌نایه‌ته‌ی داعش ته‌نیا جارێکی دیکه‌ به‌ ڕوونی به‌ هه‌موو جیهانی نیشان دا که‌ ئێمه‌ له‌ سووریا تووشی چ کاره‌ساتێکی وێرانکه‌ر بووین و ئه‌مانه‌ چ دڕنده‌یه‌کن.

باڵوێزی سووریا له‌ تاران جه‌ختی کرد که‌ به‌رپرسیاریه‌تی خوێنی شه‌هید حه‌جه‌جییه‌کان له‌ ئه‌ستۆی ئه‌و که‌سانه‌یه‌ که‌ له‌ ناوچه‌که‌ و جیهان پشتیوانی له‌ تیرۆریسته‌کان ده‌که‌ن و هه‌مووشی بۆ پشتیوانی له‌ زایۆنییه‌کان ئه‌نجام ده‌بێت. دڵنیام گه‌لانی سته‌ملێکراوی ناوچه‌که‌ له‌م شه‌ڕه‌دا سه‌رکه‌وتوو ده‌بن و پیلانه‌کان پووچه‌ڵ ده‌که‌نه‌وه‌.

به‌ڵام به‌ پێچه‌وانه‌ میدیا بیانییه‌کان بێ ئه‌وه‌ی هیچ ئاماژه‌یه‌ک به‌ شه‌هید بوونی موحسن حوجه‌جی بکه‌ن، ڕایانگه‌یاند که‌ سوپای ئێران ده‌ستێوه‌ردان له‌ ناوچه‌که‌دا ده‌کات و ویستان به‌م کاره‌ له‌ ئاستی جه‌نایه‌ته‌کانی داعش که‌م بکه‌نه‌وه‌. مێدیاکانی وه‌ک ئه‌لعه‌ره‌بییه‌ و بی بی سی له‌ هه‌موو توانای خۆیان سوودیان برد تاکوو زه‌بر له‌ به‌ره‌ی خۆڕاگری بده‌ن و خزمه‌تی سیاسه‌ته‌ قیزه‌وه‌نه‌کانی تیرۆریسته‌کان بکه‌ن.

به‌داخه‌وه‌ زۆربه‌ی کاناڵه‌ تێلگرامییه‌کانیش ده‌ستیان کرد به‌ بابه‌تی هیچ و پووچ بڵاو کردنه‌وه‌ له‌ دژی شه‌هید بوونی موحسن حوجه‌جی، ڕوون نییه‌ که‌ ئه‌م کاناڵانه‌ چۆن له‌ ناوخۆی ئێراندا هێشتا ئازادانه‌ ئیش ده‌که‌ن. به‌ڵام هه‌موو ئه‌مانه‌ ناتوانێت له‌ خواستی خه‌ڵکی ناوچه‌که‌ بۆ سه‌رکه‌وتن به‌ سه‌ر تیرۆریسته‌کان و ته‌کفیرییه‌کان که‌م بکاته‌وه‌.

له‌ هه‌ر حاڵدا ئه‌وه‌ی ڕوونه‌، ئه‌م بابه‌ته‌یه‌ که‌ ڕۆژێک دێت که‌ ئاهی خوێنی ئه‌م شه‌هیدانه‌ داوێنی هه‌موو تیرۆریسته‌کانی ناوچه‌که‌ و جیهان ده‌گرێت و له‌ ڕیشه‌ ده‌ردێن. وه‌ک چۆن فه‌رمانده‌کانی ئێرانیش به‌ڵێنی تۆڵه‌ سه‌ندنه‌وه‌یان داوه‌ و ئه‌م کاره‌ش به‌ دڵنیاییه‌وه‌ ده‌کرێت.

ئێسته‌ شه‌هید حوجه‌جی له‌ نێو ئێمه‌دا نه‌ماوه‌، به‌ڵام ئه‌وه‌ی ڕوونه‌ ئه‌م وڵاته‌ به‌ ده‌یان هه‌زار موحسن حوجه‌جی هه‌یه‌ و ئاماده‌یه‌ له‌ خۆی به‌رگری بکات.

News Code 11953

نیشانەکان

بۆچوونی ئێوە

You are replying to: .
  • 4 + 1 =