که‌مپینی پشتیوانی له‌ دارستانه‌کانی زاگروس ڕێکه‌وت

ئه‌نجومه‌نی پاژینی بانه‌ که‌مپینێکی یه‌ک حه‌فته‌یی به‌ مه‌به‌ستی ئاگادار کردنه‌وه‌ی خه‌ڵک بۆ پاراستنی دارستانه‌کانی زاگرۆس ڕێخست.

به‌ ڕاپۆرتی ئاژانسی مێهر، ئه‌نجومه‌نی ژینگه‌پارێزی پاژینی بانه‌ به‌ مه‌به‌ستی ئاگادار کردنه‌وه‌ و پاراستنی دارستانه‌کانی زاگڕۆس که‌مپینێکی یه‌ک حه‌فته‌یی ڕێخست.

به‌ پێی ئه‌م ڕاپۆرته‌، ئه‌م که‌مپینه‌ له‌ ژێر ناوی "دارستانه‌کان ئاڵتوونی سه‌وزن" ده‌ست به‌ کار ده‌کات.

که‌مپینه‌که‌ ئه‌مڕۆ (شه‌مه‌) ۲۱ی گه‌لاوێژ ده‌ست پێده‌کات و تاکوو ۲۸ی گه‌لاوێژ درێژه‌ی ده‌بێت. و به‌ ده‌یان چالاکی له‌ ئاستی شاره‌کان و ئینترنت به‌ڕێوه‌ ده‌برێت.

شایانی باسه‌ که‌ ئاگر که‌وتنه‌وه‌ له‌ وه‌رزی هاوین و وشه‌کساڵی و قڕ کردنی گیانه‌وه‌ره‌ کێوییه‌کان بووه‌ته‌ کێشه‌یه‌کی گشتی و له‌م نێوانه‌دا چه‌ند ساڵێکه‌ ئه‌م کێشه‌ دارستانه‌کانی زاگرۆسیشی گرتووه‌ته‌وه‌، به‌ تایبه‌ت ئاگر که‌وتنه‌وه‌ که‌ زۆر کات به‌ هۆی نائاگایی گه‌شتیاره‌کان ڕووده‌دات و دارستانێک به‌ ته‌واوی ده‌بێته‌ قوربانی ئاگر.

له‌م نێوانه‌دا سمۆره‌کان، وه‌ک جوانترین ئاژه‌ڵی کێوی ناوچه‌ کوردنشینه‌کان زیاترین خه‌ساریان به‌ر که‌وتووه‌ و له‌ بڕێک شوێنه‌دا به‌ ته‌واوی توویان بڕاوه‌ته‌وه‌.

News Code 11905

نیشانەکان

بۆچوونی ئێوە

You are replying to: .
  • 2 + 0 =