داعش له‌ ڕه‌قه‌ ۳۰ که‌سی سڤیلی ڕفاند

تیرۆریسته‌کانی داعش له‌ نزیک شاری ڕه‌قه‌ی سووریا ۳۰ که‌سی سڤیلیان ده‌ستگیر کرد.

به‌ ڕاپۆرتی ئاژانسی مێهر له‌ سانا، تیرۆریسته‌کانی داعش له‌ شاری مه‌عدان له‌ ڕۆژهه‌ڵاتی باشووری شاری ڕه‌قه‌ ۳۰ که‌سی سڤیلیان ده‌ستگیر کرد.

به‌ پێی ئه‌م ڕاپۆرته‌، داعشییه‌کان به‌رده‌وامن له‌ جه‌نایه‌ته‌کانی خۆیان و ئه‌م کاره‌ به‌ ئامانجی ترساندن و تۆقاندنی خه‌ڵکی سڤیل ئه‌نجام ده‌ده‌ن.

دوێنی شه‌و تیرۆریسته‌کانی داعش زیاتر له‌ ۳۰ که‌سی سڤیلیان له‌ ده‌ورووبه‌ری شاری ڕه‌قه‌ ده‌ستگیر کردووه‌. ئه‌م که‌سانه‌ ویستوویانه‌ له‌ ژێر ده‌ستی داعش له‌ شاری مه‌عدان ڕا بکه‌ن.

له‌ لایه‌کی دیکه‌وه‌ میدیاکانی سووریا ڕایانگه‌یاند که‌ له‌ ده‌ورووبه‌ری پارێزگای ئه‌دله‌بی سووریا ته‌قینه‌وه‌یه‌کی زۆر گه‌وره‌ ڕووی داوه‌.

به‌م پێیه‌ ئه‌م ته‌قینه‌وه‌ له‌ نێوان شاره‌کانی ده‌نا و سه‌رمه‌دا له‌ ئه‌دله‌ب ڕووی داوه‌. تاکوو ئێسته‌ هیچ زانیارییه‌ک سه‌رباره‌ت به‌م ته‌قینه‌وه‌ بڵاو نه‌بووه‌ته‌وه‌، به‌ڵام ئه‌گه‌ری ته‌قینه‌وه‌ی کۆگایه‌کی ته‌قه‌مه‌نی گه‌وره‌ی تیرۆریسته‌کان له‌ئارا دایه‌.

News Code 11876

نیشانەکان

بۆچوونی ئێوە

You are replying to: .
  • 5 + 2 =