ڕوانینی ئاژانسی مێهر بۆ بواری فه‌رهه‌نگ جێگه‌ی ڕێزه‌

به‌ڕێوه‌به‌ری گشتی کتێبخانه‌کانی پارێزگای کوردستان به‌ بۆنه‌ی ڕۆژی هه‌واڵنێره‌وه‌ سه‌ردانی نووسینگه‌ی ئاژانسی مێهری کرد.

به‌ ڕاپۆرتی ئاژانسی مێهر، ئیسماعیل ئه‌حمه‌دی، به‌ڕێوه‌به‌ری گشتی کتێبخانه‌کانی پارێزگای کوردستان به‌ بۆنه‌وه‌ی ڕۆژی هه‌واڵنێر سه‌ردانی نووسینگه‌ی ئاژانسی مێهری کرد.

ئه‌حمه‌دی له‌ میانه‌ی ئه‌م دیداره‌ وتی: ئه‌و ڕێگه‌یه‌ی ئاژانسی مێهر له‌ به‌ری گرتووه‌ ڕێگه‌یێکی مامناوه‌نده‌ که‌ ئه‌مه‌ش جێگه‌ی ڕێزی زۆره‌ و توانیه‌تی ئاستی ڕێز و حورمه‌تی هه‌موو بابه‌ته‌کان ڕابگرێت.

ئه‌و سه‌باره‌ت به‌ ڕۆژی هه‌واڵنێر وتی: ڕۆژی هه‌واڵنێر پیرۆزبایی له‌ ئێوه‌ و هه‌موو هه‌واڵنێران ده‌که‌م، ئه‌م ڕۆژه‌ گرنگی خۆیی هه‌یه‌ و ده‌بێت ئێمه‌ به‌ دڵه‌وه‌ ڕێز له‌ چینی ڕۆژنامه‌نووس بگرین که‌ به‌رده‌وام له‌ دوای به‌رز کردنه‌وه‌ی ئاستی مه‌عره‌فه‌ و هۆشیاری خه‌ڵکن.

ئه‌حمه‌دی جه‌ختی کرد: له‌م ڕۆژگاره‌ مێدیا و ڕۆژنامه‌کان بوونه‌ته‌ بابه‌تێکی گشتی، واتا هه‌ر که‌س له‌ هه‌ر شوێنێکدا بێت پێویسته‌ سه‌وادی مێدیایی هه‌بێت و بزانێت مێدیا چییه‌.

ئه‌و زیادی کرد: هه‌واڵنێره‌کان کاریان زۆر ئه‌سته‌مه‌ چون به‌رده‌وام لێکۆڵینه‌وه‌ له‌ بابه‌ته‌کان ده‌که‌ن و ئه‌مه‌ش به‌ جۆرێک له‌ لایه‌ن که‌سه‌وه‌ پێشوازی لێناکرێت و خۆشیان له‌م کاره‌ نایه‌ت هه‌ر بۆیه‌ کاری ئه‌م چینه‌ سه‌ختی زۆری له‌گه‌ڵه‌ که‌ به‌شێکی ناڕازی بوونی به‌رپرسانه‌ له‌ لێکۆڵینه‌وه‌ و ڕه‌خنه‌کانیان.

به‌ڕێوه‌به‌ری گشتی کتێبه‌خانه‌کانی کوردستان وتی: به‌ڵام ئه‌وه‌ی گرنگه‌ ئه‌م خاڵه‌یه‌ که‌ به‌ ده‌یان جار پێشهاتووه‌ که‌ کێشه‌ و گرفتێکی گه‌وره‌ی خه‌ڵک دوای به‌دوادا چوونی هه‌واڵنێرێک چاره‌سه‌ر بووه‌، ئه‌مه‌ بابه‌تێکی یه‌کجار پیرۆزه‌. هه‌ڵبه‌ت ئه‌مه‌ش نابێت له‌ بیر بکه‌ین که‌ هه‌واڵنێر ده‌بێت ڕاستگۆ بێت و ڕاستی بابه‌ته‌کان بێ که‌م و کۆڕی بگوازێته‌وه‌.

ئه‌و له‌ کۆتاییدا زیادی کرد: ئاژانسی مێهر به‌رده‌وام له‌ ڕێڕه‌وێکی مامناوه‌ندا هه‌نگاوی هه‌ڵگرتووه‌ ئه‌مه‌ش جێگه‌ی ڕێزی زۆره‌. بۆ نموونه‌ ئێسته‌ مێهر ته‌نیا ئاژانسی نێونه‌توه‌یی ئێرانه‌ که‌ دانی به‌ زمانی کوردیدا ناوه‌ و به‌ فه‌رمی ئیش به‌م زمانه‌ ئێرانییه‌ ده‌کات که‌ به‌ڕاستی جێگه‌ی شانازییه‌ و ماندوو نه‌بوونی هه‌موو ئه‌ندامانی ئه‌م ئاژانسه‌ ده‌که‌م.

شایانی باسه‌ که‌ له‌ ئێران هه‌ر ساڵ ڕۆژی ۱۷ی گه‌لاوێژ، به‌ ڕۆژی هه‌واڵنێر دیاری کراوه‌ و هه‌ر به‌م بۆنه‌وه‌ به‌رپرسان سه‌ردانی ڕۆژنامه‌ و مێدیاکان ده‌که‌ن.

News Code 11852

نیشانەکان

بۆچوونی ئێوە

You are replying to: .
  • 5 + 8 =