خنکانی ۴ که‌س له‌ به‌نداوێکی بانه‌

به‌رپرسی فریاگوزارییه‌ پزشکییه‌کانی شاری بانه‌ ڕایگه‌یاند که‌ دوێنێ ئێواره‌ ۴ که‌س له‌ به‌نداوی عه‌باس ئاوای شاری بانه‌ خنکاون.

به‌ ڕاپۆرتی ئاژانسی مێهر، ڕه‌زا فاتحی، وتی: ئه‌و که‌سانه‌ی خنکاون دوو کچ و کوڕێک و پیاوێکی ۴۱ ساڵان بوون. به‌داخه‌وه‌ سه‌ره‌ڕای ئه‌وه‌ی هۆشداری دراوه‌ که‌ نابێت له‌ ده‌ورووبه‌ری به‌نداوه‌که‌ مه‌له‌ بکرێت، به‌ڵام خه‌ڵک گوێ ناده‌ن به‌م هۆشدارییانه‌.

وتیشی: ته‌رمه‌کان هه‌ر ئێسته‌ له‌ ساردخانه‌ی نه‌خۆشخانه‌ی سه‌لاحه‌دین ئه‌یوبی شاری بانه‌ن.

شایانی باسه‌ که‌ ئه‌م چوار که‌سه‌ له‌ دوو بنه‌ماڵه‌ی جیاوازن، دوو کچ و باوکێک پێکه‌وه‌ خنکاون و کوڕێکیش له‌ بنامه‌ماڵه‌یه‌کی دیکه‌ له‌ به‌نداوه‌که‌ و له‌ کاتی مه‌له‌ کردندا خنکاوه‌.

هه‌ر چوار که‌سه‌ ده‌ست به‌جێ مردوون و به‌ مردوویی ڕاده‌ستی ساردخانه‌ی نه‌خۆشخانه‌ی سه‌لاحه‌دینی بانه‌ کراون.

ئه‌وی جێگه‌ ئاماژه‌یه‌ ئه‌م بابه‌ته‌یه‌ که‌ دوو که‌س له‌م چوار که‌سه‌ هه‌وڵیان داوه‌ تاکوو ئه‌و دوو که‌سه‌ی دیکه‌ که‌ له‌ حاڵی خنکان بوون ڕزگار بکه‌ن، به‌ڵام خۆشیان به‌ هۆی نه‌زانینی مه‌له‌وه‌ خنکاون.

جێگه‌ی ئاماژه‌یه‌، وه‌رزی گه‌رمای هاوین ده‌ستی پێ کردووه‌ و زۆربه‌ی بنه‌ماڵه‌کان به‌ مه‌به‌ستی گه‌شتیاری سه‌ردانی به‌نداوه‌کان ده‌که‌ن و ئه‌مه‌ش ڕووداوی نه‌خوازراوی لێده‌که‌وێته‌وه‌.

News Code 11745

نیشانەکان

بۆچوونی ئێوە

You are replying to: .
  • 2 + 13 =