سه‌ره‌ڕای گه‌مارۆدان و بوونی دوژمن ئێران به‌هێزتره‌ له‌ ڕابردوو

ڕێبه‌ری باڵای شۆڕشی ئیسلامی ئێران جه‌تیان کرد: به‌ پێچه‌وانه‌ی خواستی دوژمن له‌ باری سیاسی و ئه‌منیه‌وه‌ به‌هێزین و سه‌ره‌ڕای بوونی گه‌مارۆ و دوژمنی به‌هێزترین له‌ ڕابردوو.

به‌ ڕاپۆرتی هه‌واڵنێری مێهر، ئایه‌توڵڵا خامنه‌یی، ڕێبه‌ری باڵای شۆڕشی ئیسلامی ئێران له‌ ڕێوڕه‌سمی پێدانی حوکمی سه‌رۆک کۆماریی به‌ حه‌سه‌ن رۆحانی، ڕایانگه‌یاند: ده‌فرایه‌تی زۆر له‌ وڵاتدا بوو به‌ڵام نه‌مانده‌زانی و لێی خافڵ بووین، کاتێک گه‌مارۆدراین ، ده‌فرایه‌تی و توانییه‌کانی ناوخۆی وڵاتمان دۆزیه‌وه‌ و به‌کارمان هێنا.

جه‌ختیشیان کرد: دوژمنی ئاشکرای دوژمنان، ئێمه‌ زیاتر به‌هێز کردووه‌، هه‌ندێکیان به‌ ئاشکرایی دوژمنی ده‌که‌ن و هه‌ندێکیشیان ده‌ستی ئاسنییان له‌ ناو ده‌ست پۆشی مه‌خمه‌ڵیدایه‌.

ڕێبه‌ری وتیان: ئه‌مڕۆ ئێمه‌ به‌هیزتر له‌ ساڵانی سه‌ره‌تایی شۆڕش، ڕێگای به‌ره‌نگاریی له‌گه‌ڵ دوژمن ده‌زانین  و هیچ ترسێکمان له‌ دوژمن نییه‌.

سه‌باره‌ت به‌ کابینه‌ی ده‌وڵه‌تی دوازده‌یه‌می ئێرانیش ئایه‌توڵڵا خامنه‌یی ڕایانگه‌یاند که‌ هاوکارانی سه‌رۆک کۆمار و ئه‌و که‌سانه‌ی که‌ به‌رپرسیارێتیان پێده‌درێت، سه‌رمایه‌ی وڵات زیاد بکه‌ن  و راده‌ستی به‌رپرسانی دیکه‌ی بکه‌ن هه‌روه‌ها که‌ له‌م نزیک به‌ ۴۰ ساڵه‌ی رابردوودا به‌رهه‌می هه‌وڵی کۆمه‌ڵی به‌رپرسانی ئێران راده‌ستی ئه‌وان کراوه‌.

وتیشیان: ئه‌مڕۆ ئه‌م گه‌نجانه‌ی که‌ بۆ ڕۆڵگێڕان له‌ وڵات ئاماده‌ن زۆرن و ئه‌مانه‌ شۆڕشی ئیسلامی په‌روه‌رده‌یانی کردووه‌.

جه‌ختیشیان له‌ بوونی دوژمنان و پیلانگێڕیه‌کانی دوژمنان به‌ تایبه‌ت ئه‌مریکا کرده‌وه‌ و وتیان: نابێ له‌ بیری بکه‌ین که‌ دوژمن پیلان گێری ده‌کات به‌ڵام به‌رپرسانی ئێمه‌ ئه‌زموونی باشیان هه‌یه‌ و  ده‌بێ به‌ هێز و پێز  به‌ره‌وڕوویان ببنه‌وه‌.

ڕاشیانگه‌یاند که‌ ئه‌گه‌رچی دوژمن ویستی گه‌لی ئێران بخاته‌ په‌راوێزه‌وه‌، گه‌لی ئه‌م وڵاته‌ په‌راوێز نه‌خرا و له‌گه‌ڵ جیهان هاوکاری کرد و به‌ره‌نگاریی نیزامی ئیستکبار و چه‌وسێنه‌ری بووه‌وه‌.

له‌ کۆتاییشدا داوایان له‌ سه‌رۆک کۆماری ئێران و هاوکارانیان کرد که‌ به‌ هاودڵی و یه‌کڕیزی و که‌ڵک وه‌رگرتن له‌ که‌سانی به‌ توانا و دڵسۆزی وڵات هه‌وڵ بده‌ن بۆ به‌ره‌وپێش بردنی وڵات و نه‌هێشتنی که‌مو کۆڕییه‌کان و پۆست و پله‌ و پایه‌ به‌ ئه‌مانه‌ت بزانن.

News Code 11711

نیشانەکان

بۆچوونی ئێوە

You are replying to: .
  • 2 + 9 =