جه‌هه‌په‌ به‌شداری ڕێپێوانی هه‌ده‌په‌ی کرد

سزگین تانری و چه‌ندین نوێنه‌ری جه‌هه‌په‌ی تورکیا له‌ کۆبوونه‌وه‌ی "ویژدان و داد"ی هه‌ده‌په‌ به‌شداریان کرد.

به‌ ڕاپۆرتی ئاژانسی مێهر ئاناتۆلی، سزگین تانری و چه‌ندین نوێنه‌ری جه‌هه‌په‌ی تورکیا له‌ کۆبوونه‌وه‌ی "ویژدان و داد"ی هه‌ده‌په‌ له‌ ئه‌سته‌نبۆل به‌شداریان کرد.

به‌ پێی ئه‌م ڕاپۆرته‌، چه‌ندین نوێنه‌ری دیاری حزبی جه‌هه‌په‌ی تورکیا له‌ باغی گشتی "یوغورت چوو" له‌ شه‌قامی کادی کوی ئه‌سته‌نبۆل ئاماده‌ بوون تاکوو ته‌ڤڵی کۆبوونه‌وه‌ی "ویژدان و داد"ی ئه‌ندامان و لاینگرانی پارتی دیموکڕاتیکی گه‌ڵانی تورکیا بن که‌ سه‌لاحه‌دین دمیرتاشی به‌ندکراو ڕێبه‌ری ده‌کات.

ئه‌م کۆبوونه‌وه‌ بۆ ماوه‌ی یه‌ک حه‌فته‌ له‌ شاری دیاربه‌کر به‌ڕێوه‌ چوو، ئاماده‌کاری بۆ کرا و له‌ شاری ئه‌سته‌نبولیش ده‌ستی به‌ کار کرد.

سه‌ره‌ڕای ئه‌وه‌ی پۆلیسی تورکیا ڕێگری کرد له‌ به‌شداری خه‌ڵک له‌م کۆبوونه‌وه‌، سزگین تانری کۆلۆ، نوێنه‌ری دیاری جه‌هه‌په‌ له‌ ئه‌سته‌نبۆل، جه‌ماڵ جان پۆڵات، سه‌رۆکی لقی ئه‌سته‌نبۆلی جه‌هه‌په‌ و چه‌ندین نوێنه‌ر و ئه‌ندامی دیکه‌ی ئه‌م پارته‌ به‌شداری ئه‌م کۆبوونه‌وه‌یان کرد تاکوو به‌م شێوه‌یه‌ ناڕه‌زایه‌تی خۆیان له‌ دۆخی تورکیا ڕابگه‌یه‌نن که‌ له‌ ئێستادا ڕه‌جه‌ب ته‌یب ئه‌ردۆغان حوکمی ده‌کات.

شایانی باسه‌ که‌ چه‌ند هه‌فته‌یه‌ک به‌ر له‌ ئێستا جه‌هه‌په‌ ڕێپێوانێکی گه‌وره‌ی له‌ ئه‌نقه‌ره‌وه‌ به‌ره‌و ئه‌سته‌نبۆل ده‌ست پێ کرد که‌ هه‌ده‌په‌ تێیدا به‌شداری کرد و پشتیوانی لێ کرد. ئه‌م دوو حزبه‌ی تورکیا له یه‌ک ساڵی ڕابردوودا زیاتر له‌ یه‌ک نزیک بوونه‌ته‌وه‌.

News Code 11690

نیشانەکان

بۆچوونی ئێوە

You are replying to: .
  • 8 + 0 =