ده‌بێت هه‌موو تورکیا له‌ دژی سته‌م بوه‌ستنه‌وه‌

سه‌لاحه‌دین دمیرتاش هاوسه‌رۆکی هه‌ده‌په‌ له‌ زیندانه‌وه‌ نامه‌یه‌کی ئاڕاسته‌ی کۆبوونه‌وه‌ی گه‌وره‌ی "ویژدان و داد" کرد.

به‌ ڕاپۆرتی ئاژانسی مێهر له‌ حوڕیه‌ت، سه‌لاحه‌دین دمیرتاش، هاوسه‌رۆکی هه‌ده‌په‌ له‌ زیندانه‌وه‌ نامه‌یه‌کی ئاڕاسته‌ی کۆبوونه‌وه‌ی گه‌وره‌ی "ویژدان و داد" کرد.

ئه‌و له‌م نامه‌یه‌دا نووسی: نه‌ک هه‌ر شارۆمه‌ندانی دیاربه‌کر که‌ خه‌ڵکی هه‌موو شاره‌کانی تورکیا به‌ تایبه‌ت ئه‌سته‌نبۆل، ئه‌زمیر، ئانتالیا، ئادانا، مێرسین و هتد ده‌بێت له‌ به‌رانبه‌ر سته‌م خۆڕاگری بکه‌ن. ئه‌م کۆبوونه‌وه‌ ده‌بێت ببێته‌ هۆی دروست بوونی به‌ره‌یه‌کی به‌هێزی خۆڕاگری.

ئه‌و له‌ درێژه‌دا جه‌ختی کرد: ئه‌م کۆبوونه‌وانه‌ و چالاکییه‌کانی دیکه‌ له‌ شکست هێنان به‌ فاشیسم ڕۆڵێکی یه‌کجار گرنگی هه‌یه‌.

هه‌روه‌ها عوسمان بایده‌میر، نوێنه‌ری دیکه‌ی کورد ڕایگه‌یاند که‌ ئه‌رۆدغان ده‌بێت داوای لێبوردن بکات. 

عوسمان بایده‌میر، وته‌بێژی هه‌ده‌په‌ له‌ میانه‌ی لێدوانێکیدا ڕه‌خنه‌ی توندی له‌ ئه‌ردۆغان گرت که‌ سه‌لاحه‌دین دمیرتاشی به‌ تیرۆریست ناو بردبوو.

ئه‌و له‌مباره‌وه‌ وتی: ئه‌مه‌ درۆیه‌کی گه‌وره‌یه‌ و بوختانه‌. دمیرتاش ۱۸ ڕۆژ پێش ئێستا له‌مباره‌وه‌ وتی که‌ ئه‌گه‌ر ئه‌رۆدغان به‌ڵگه‌یه‌کی له‌مباره‌وه‌ هه‌یه‌ با پێشکه‌شی دادگاکانی تورکیای بکات.

بایده‌میر درێژه‌ی دا: ئه‌گه‌ر ئێوه‌ به‌ڵگه‌یه‌کتان به‌ ده‌سته‌وه‌ نییه‌ ئه‌وه‌ ڕوونه‌ که‌ درۆزنن و بۆختان بۆ خه‌ڵکی دیکه‌ دروست ده‌که‌ن. ۱۸ ڕۆژه‌ له‌م قسه‌کانی دمیرتاش تێپه‌ڕیوه‌ بۆ ئه‌ردۆغان هیچ وڵامێکی نییه‌. په‌یامی ئێمه‌ بۆ ئه‌ردۆغان ته‌نیا ئه‌مه‌یه‌، ئێسته‌ که‌ کات هه‌یه‌ داوای لێبوردن له‌ خه‌ڵک بکه‌ن.

News Code 11571

نیشانەکان

بۆچوونی ئێوە

You are replying to: .
  • 5 + 4 =