کتێبی "شانۆی سه‌ر شه‌قام"  بە زمانی کوردی بڵاو کرایه‌وه‌

کتێبی "شانۆی سه‌ر شه‌قام" که‌ ئاوڕدانه‌وه‌یه‌کی مێژووییه‌ له‌ دیارده‌ی شانۆی سه‌ر شه‌قام به‌ زمانی کوردی بڵاو کرایه‌وه‌.

به‌ ڕاپۆرتی ئاژانسی مێهر، کتێبی "شانۆی سه‌ر شه‌قام که‌ له‌ لایه‌ن هونه‌رمه‌ندی ناسراوی هه‌رێمی کوردستان، "هونه‌ر تاهیر" نووسراوه‌، ڕه‌وانه‌ی بازاڕی کتێبی کوردی کرا.

به‌ پێی ئه‌م ڕاپۆرته‌، ئه‌م کتێبه‌ ئاوڕدانه‌وه‌یه‌که‌ له‌ هونه‌ری شانۆی سه‌ر شه‌قام و له‌ ڕووی مێژووییه‌وه‌ له‌ یۆنانی کۆنه‌وه‌ تاکوو سه‌رده‌می ئێستا باسی شانۆی سه‌ر شه‌قام ده‌کات.

به‌ تایبه‌ت باسی ڕۆڵی بینه‌ر له‌ شانۆی سه‌ر شه‌قامدا ده‌کات، له‌ شانۆی سه‌ر شه‌قامدا بینه‌ر ڕاسته‌وخۆ بێ ئه‌وه‌ی هیچ به‌ربه‌ستێکی هه‌بێت سه‌یری شانۆکه‌ ده‌کات و زۆرجار به‌ هه‌ڵکه‌وت تووشی کاتی نمایشی شانۆکه‌ش ده‌بێت.

ئه‌م کتێبه‌ بریتییه‌ له‌ ۵ به‌شی سه‌ره‌کی که‌ باسی چۆنیه‌تی ده‌ست پێ کردنی شانۆی سه‌ر شه‌قام له‌ کۆنه‌وه‌ ده‌کات. کتێبی شانۆی سه‌ر شه‌قام له‌ لایه‌ن بڵاڤگه‌ی کارۆ له‌ شاری سلێمانی له‌ چاپ دراوه‌.

شایانی باسه‌ که‌ پێشه‌کی ئه‌م کتێبه‌ له‌ لایه‌ن هونه‌رمه‌ند و ده‌رهێنه‌ری ناسراوی کوردی ئێران فاتێح بادپه‌روا نووسراوه‌ و به‌ فستیڤاڵی شانۆی سه‌ر شه‌قامی ده‌ربه‌ندی خان له‌ هه‌رێمی کوردستان پێشکه‌ش کراوه‌.
 

News Code 11358

نیشانەکان

بۆچوونی ئێوە

You are replying to: .
  • 3 + 2 =