بێکاری هۆکاری سه‌ره‌کی تاوان له‌ کوردستانه‌

دادستێنی گشتی شاری سنه‌ ئاماژه‌ی دا که‌ دۆخی کوردستان مایه‌ی نیگه‌رانییه‌ و وتی: بێکاری یه‌کێکه‌ له‌ هۆکاره‌ سه‌رکییه‌کانی تاوانە کۆمه‌ڵایه‌تییه‌کان له‌م پارێزگایه‌.

به‌ ڕاپۆرتی ئاژانسی مێهر، ئه‌کبه‌ر جه‌وهه‌ری، دادستێنی گشتی شاری سنه‌ ئه‌ماژه‌ی دا که‌ دۆخی کوردستان مایه‌ی نیگه‌رانییه‌ و وتی: بێکاری یه‌کێکه‌ له‌ هۆکاره‌ سه‌رکییه‌کانی تاوانە کۆمه‌ڵایه‌تییه‌کان له‌م پارێزگایه‌ که‌ ده‌بێت به‌ڕێوه‌به‌ران چاره‌سه‌ری پێویستی بۆ بدۆزنه‌وه‌.

ئه‌و له‌ دریژه‌دا وتی: ئێمه‌ وه‌ک دادستێنی گشتی ئه‌رکمان ئه‌وه‌یه‌ که‌ پشتیوانی له‌ مافه‌کانی شارۆمه‌ندان بکه‌ین و سه‌رچاوه‌ی کیشه‌کان بدۆزینه‌وه‌. بۆ ئه‌م مه‌به‌سته‌ش هه‌وڵ ده‌ده‌ین زیاتری نهاوکاریمان له‌گه‌ڵ خه‌لک و به‌شی تایبه‌ت هه‌بێت.

ئه‌و وتی: به‌داخه‌وه‌ بێکاری کیشه‌ی سه‌ره‌کی ئه‌م پارێزگایه‌ و ئه‌مه‌ش به‌ستێن بۆ سه‌رهه‌لدانی بزه‌ی کۆمه‌ڵایه‌تی خۆش ده‌کات و کوردستان پێویستی به‌وه‌یه‌ که‌ له‌ هه‌موو که‌رته‌کاندا په‌ره‌ی پێبدرێت تاکوو به‌م شێوه‌یه‌ کێشه‌ی بێکاریش چاره‌سه‌ر بکرێت.

جه‌وهه‌ری ئاماژه‌ی دا: به‌ داخه‌وه‌ سیاسی کاری باڵی به‌ سه‌ر زۆربه‌ی به‌ڕێوه‌به‌رانی پارێزگاکه‌دا کێشاوه‌ و ئه‌مه‌ش بووه‌ته‌ هۆی ئه‌وه‌ی که‌ سه‌رمایه‌دانه‌ره‌کان له‌ هاتن بۆ گۆڕه‌په‌نه‌که‌ و کاری ئابووری کردن سڵ بکه‌نه‌وه‌. هیوادارم ڕوانینی ئێمه‌ بۆ ئه‌م باباتانه‌ نه‌ک حزبی که‌ نیشتمانی بێت.

دادستێننی گشتی سنه له‌ کۆتاییدا وتی: ئێمه‌ وه‌ک به‌رپرسانی دادی ئێران پشتیوانی کردن له‌ مافی خه‌ڵک به‌ ئه‌رکی سه‌رکه‌ی خۆمان ده‌زانین و به‌ هەموو توانمانه‌وه‌ له‌و که‌سانه‌ی سه‌رمایه‌دانه‌ری له‌ کوردستاندا ده‌که‌ن پشتیوانی ده‌که‌ین. دام و ده‌زگا ده‌وڵه‌تییه‌کان ده‌بێت چالاکی خۆیان له‌م ڕووه‌وه‌ زیاتر بکه‌ن و پلانی ورد و بۆ په‌ره‌دان به‌ دۆخی ئابووری ئه‌م پاریزگایه‌ بخه‌نه‌ به‌رده‌ست.

News Code 11332

نیشانەکان

بۆچوونی ئێوە

You are replying to: .
  • 7 + 8 =