فه‌رمانده‌یه‌کی باڵای ئێرانی:

ڕیفراندۆمی سه‌ربه‌خۆیی کوردستان به‌ هیچ له‌ونێک قبووڵ ناکه‌ین

ناسەی هەواڵ: 4033334 -
سه‌رۆکی ئه‌رکانی هاوبه‌شی هێزه‌ سه‌ربازییه‌کانی ئێران ڕایگه‌یاند: ڕیفراندۆمی سه‌ربه‌خۆیی هه‌رێمی کوردستان ده‌ستپێکی کێشه‌یه‌کی نوێیه‌ له‌ ناوچه‌که‌دا.

به‌ ڕاپۆرتی ئاژانسی هه‌واڵی مێهر، سه‌رله‌شکه‌ر باقری سه‌رۆکی ئه‌رکانی هاوبه‌شی هێزه‌ سه‌ربازییه‌کانی ئێران له‌ کۆڕبه‌ندی فه‌رمانده‌کانی سوپای پاسداران وتی: دوای شکستی داعش و شه‌ڕێکی سێ ساڵه‌ له‌گه‌ڵ تیرۆریستان، به‌ په‌له‌ باس کردن له‌ ڕیفراندۆمی هه‌رێمی کوردستان و جیاکردنه‌وه‌ به‌شێک له‌ عێراق، بابه‌تێکی ئاسایی نییه‌.

سه‌رله‌شکه‌ر باقری وتیشی: باس کردن له‌ ریفراندۆمی سه‌ربه‌خۆیی کوردستانی عێراق ده‌ستپێکێکه‌ بۆ سه‌رهه‌ڵدانی کێشه‌ و ته‌نگژه‌ی نوێ له‌م ناوچه‌یه‌ و ئه‌م پرسه‌ به‌ هیچ له‌نێک له‌ لایه‌ن دراوسێیه‌کانی عێراقه‌وه‌ قه‌بووڵ ناکرێت.

جه‌ختیشی کرد: پاراستنی سه‌ربه‌خۆیی و یه‌کپارچه‌یی عێراق له‌ به‌رژه‌وه‌ندی سه‌رجه‌م ئیتنیک، مه‌زه‌به‌کان و دیکه‌ی پێکهاته‌کانی ئه‌م وڵاته‌یه‌.

 باقری وتی: ئێران پێشنیار به‌ عێراق و وڵاتانی دیکه‌ش له‌ په‌راوێزی که‌نداوی فارس ده‌کات که‌ له‌ ڕێگای گفتوگۆ و به‌ دوور له‌ توند وتیژی کێشه‌کانیان چاره‌سه‌ر بکه‌ن.

 ئه‌وه‌شی دووپات کرده‌وه‌ که‌ ناوچه‌که‌ ئیدی کێشه‌ و شه‌ڕی نوێ هه‌ڵناگرێت و بێ گومان سه‌رهه‌ڵدانی شه‌ڕی نوێ ده‌ستدرێژی که‌ران دێنته‌وه‌ ناوچه‌که‌.

ناردنی بۆچوون

4 + 3 =