واشنتۆن پێیوایه‌ که‌ ئه‌بووبه‌کر به‌غدادی زیندووه‌

وه‌زیری به‌رگری ئه‌مریکا له‌ میانه‌ی قسه‌کانی خۆیدا ڕایگه‌یاند: واشنتۆن هیچ به‌ڵگه‌یه‌کی سه‌باره‌ت به‌ کوژرانی ڕێبه‌ری گرووپی تیرۆریستی داعش به‌ ده‌سته‌وه‌ نییه‌.

به‌ ڕاپۆرتی ئاژانسی مێهر له‌ ڕۆیترز، جیمز ماتیس، وه‌زیری به‌رگری ئه‌مریکا وتی: واشنتۆن هیچ به‌ڵگه‌یه‌کی سه‌باره‌ت به‌ کوژرانی ڕێبه‌ری گرووپی تیرۆریستی داعش به‌ ده‌سته‌وه‌ نییه‌.

وه‌زیری به‌رگری ئه‌مریکا زیادی کرد: ئه‌گه‌ر له‌مباره‌وه‌ زانیاریمان هه‌بوایه‌، ڕامانده‌گه‌یاند، که‌واته‌ ناتوانین ئه‌م بابه‌ته‌ ڕه‌ت یان پشت ڕاست بکه‌ینه‌وه‌.

ماتیس درێژه‌ی دا: ئێمه‌ لامان وایه‌ به‌غدادی هێشتا زیندووه‌؛ مه‌گه‌ر ئه‌وه‌ی دژی ئه‌م بابه‌ته‌ پشت ڕاست ببێته‌وه‌ و بسه‌ڵمێت که‌ مردووه‌.

شایانی باسه‌ که‌ ناوه‌ندی چاودێڕی مافی مرۆڤی سووریا ڕۆژی سێ شه‌مه‌ی هه‌فته‌ی ڕابردوو ڕایگه‌یاند که‌ ئه‌بوبه‌کر به‌غدادی، سه‌رۆکی ڕێکخراوی تیرۆریستی داعش کوژراوه‌.

هه‌روه‌ها وه‌زاره‌تی به‌رگری ڕووسیاش دوو هه‌فته‌ به‌ر له‌ ئێستا ڕایگه‌یاند که‌ به‌ هۆی بۆردمانه‌ ئاسمانییه‌کانی سه‌ر شاری ڕه‌قه‌ له‌ سووریا، ئه‌بوبه‌کر به‌غدادی کوژراوه‌.

News Code 11247

نیشانەکان

بۆچوونی ئێوە

You are replying to: .
  • 7 + 3 =