کۆشکی سپی مردنی به‌غدادی پشت ڕاست ناکاته‌وه‌

واشنتۆن ڕایگه‌یاند که‌ ناتوانن ڕاپۆرته‌کانی کوژرانی ئه‌بوبه‌کر به‌غدادی پشت ڕاست بکه‌نه‌وه‌ و ده‌بێت لێکۆڵینه‌وه‌ی وردی بۆ بکرێت.

به‌ ڕاپۆرتی ئاژانسی مێهر، سباسته‌ین گۆرکا، ڕاوێژکارێکی کۆشکی سپی ڕایگه‌یاند که‌ ئه‌مریکا ناتوانێت ڕاپۆرتی کوژرانی ئه‌بوبه‌کر به‌غدادی، سه‌رۆکی گرووپی تیرۆریستی داعش پشت ڕاست بکاته‌وه‌ و ده‌بێت لێکۆڵینه‌وه‌ی وردی بۆ بکرێت.

ئه‌و زیادی کرد: دوای ئه‌وه‌ی دڵنیا بووینه‌وه‌، ڕاگه‌یه‌ندراوی تایبه‌ت له‌باره‌ی ئه‌م بابه‌ته‌وه‌ بڵاو ده‌که‌ینه‌وه‌. 

شایانی باسه‌ چه‌ند هه‌فته‌ به‌ر له‌ ئێستا ڕووسیا ڕایگه‌یاند که‌ ئه‌بوبه‌کر به‌غدادی، سه‌رۆکی داعش له‌ بۆردمانه‌کانی سه‌ر ڕه‌قه‌ مردووه‌.

دواجار ڕادیۆی داعش به‌ فه‌رمی ڕاگه‌یه‌ندراوێکی کورتی له‌مباره‌وه‌ بڵاو کرده‌وه‌ که‌ باسی دیاری کردنی جێگره‌وه‌ بۆ به‌غدادی له‌ ناو داعشییه‌کان ده‌کات.

هه‌روه‌ها گرووپی چاودێڕی کردنی مافی مرۆڤ له‌ سووریا ڕایگه‌یاند که‌ دڵنیا بوونه‌ته‌وه‌ که‌ ئه‌بوبه‌کر به‌غدادی کوژراوه‌. ئه‌م ڕێکخراوه‌یه‌ جه‌ختی کرد که‌ فه‌رمانده‌کانی داعش له‌ ده‌یره‌زوور جه‌ختیان کردووه‌ که‌ سه‌رۆکه‌که‌یان مردووه‌.

شایانی باسه‌ که‌ به‌رپرسانی عێراقیش له‌مباره‌وه‌ گومانیان هه‌یه‌ و تاکوو ئێسته‌ ئاماده‌ نه‌بوون هیچ لێدوانێک بده‌ن.

News Code 11216

نیشانەکان

بۆچوونی ئێوە

You are replying to: .
  • 3 + 4 =