ورده‌کاری هێرشی تیرۆریستی پژاک له‌ پولده‌شت/به‌سیجیه‌ک شه‌هید کرا

گرووپی تیرۆریستی پژاک ڕۆژی دووشه‌مه‌ چووه‌ ناو ماڵی هێزێکی سوپای پاسدارانی ماکۆ و هێرشی کرده‌ سه‌ریان.

به‌ ڕاپۆرتی ئاژانسی هه‌واڵی مێهر، سوپای پاسدارانی شۆڕشی ئیسلامی شاری ماکۆ دوای شه‌هید بوونی هێزێکی به‌سیجی تایبه‌تی سوپا له‌ ناوچه‌ی پولده‌شت به‌یاننامه‌یه‌کی بڵاوکرده‌وه‌.

له‌و به‌یاننامه‌یه‌دا هاتووه‌: به‌ره‌ به‌یانی ڕۆژی دووشه‌مه‌ هه‌شت ئه‌ندامی گرووپی تیرۆریستی پژاک هێرشیان کردووه‌ته‌ سه‌ر گوندی زاکرلوو سه‌ر به‌ پولده‌شتی ئازه‌ربایجانی رۆژاوا و هێزێکی به‌سیجی سوپای ماکۆیان له‌ به‌رچاوی خێزانه‌که‌یه‌وه‌ به‌ ۱۰ فیشه‌ک شه‌هید کردووه‌ و دواتر هه‌ڵاتوون.

 به‌ وته‌ی شایه‌تحاڵان له‌ شوێنی ئه‌و تیرۆره‌دا سێ جۆرپووکه‌ی فیشه‌کی کڵاش و ژێ ۳ دۆزراوه‌ته‌وه‌.

 سوپای پاسدارانی شۆڕشی ئیسلامی ماکۆ دوای پشت ڕاست کردنه‌وه‌ی شه‌هاده‌تی  سه‌ربازی به‌سیجی شه‌هید موسته‌فا فێردۆسی، داوای له‌ خه‌ڵک کردووه‌ به‌ یه‌کگرتوویی و یه‌کڕیزی به‌شداریی بکه‌ن له‌ ڕێوڕه‌سمی ناشتنی ته‌رمی ئه‌و شه‌هیده‌ دا.

News Code 10950

نیشانەکان

بۆچوونی ئێوە

You are replying to: .
  • 3 + 14 =