مووشەکێکی سوپای پاسداران بنکه‌ی فه‌رمانده‌یه‌کی داعشی پێکاوه‌

ڕاوێژکاری وه‌زیری ده‌ره‌وه‌ی ئێران له‌ گفتوگۆ له‌گه‌ڵ کاناڵی مه‌یادین ڕایگه‌یاند که‌ یه‌کێک له‌ مووشه‌که‌کانی ئێران ڕاسته‌وخۆ بنکه‌ی فه‌رمانده‌یه‌کی داعشی له‌ ده‌یره‌زوور پێکاوه‌.

به‌ ڕاپۆرتی ئاژانسی مێهر له‌ مه‌یادین، حسه‌ین شێخول ئیسلام، ڕاوێژکاری وه‌زیری ده‌ره‌وه‌ی ئێران ڕایگه‌یاند که‌ یه‌کێک له‌ مووشه‌که‌کانی سوپای پاسدارانی ئێران ڕاسته‌وخۆ بنکه‌ی یه‌کێک له‌ فه‌رمانده‌کانی داعشی له‌ شاری مه‌یادین کردووه‌ته‌ ئامانج.

حسه‌ین شه‌یخول ئیسلام له‌ گفتوگۆ له‌گه‌ڵ مه‌یادین زیادی کرد که‌ گرووپی تیرۆریستی داعش له‌ یه‌کێک له‌ خوێندگه‌کانی نزیک نه‌خۆشخانه‌یه‌ک بنکه‌یه‌کی سه‌ربازی بۆ خۆی دروست کردبوو که‌ کراوه‌ته‌ ئامانج و لانی که‌م ۵۰ که‌س له‌ فه‌رمانده‌کان و ئه‌ندامانی داعش له‌م هێرشه‌دا کوژراون.

ئه‌و هه‌روه‌ها ڕایگه‌یاند که‌ له‌م هێرشانه‌دا چه‌ند که‌سێکی لیبیایی به‌ ناوی ئه‌بو عاسم لیبیایی و عه‌بدولقادر فه‌رانی ناسراو به‌ ئه‌بو حارس کوژراون.

شه‌یخول ئیسلام سه‌باره‌ت به‌ هێزی سه‌ربازی ئێران وتی: مۆڵه‌ت به‌ هیچ تیرۆریستێک ناده‌ین که‌ داهاتووی ناوچه‌که‌ بخاته‌ مه‌ترسییه‌وه‌، سوپای پاسداران له‌ هه‌مان ئان و سات که‌ تێگه‌یشت ده‌یره‌زوور بووه‌ته‌ مۆڵگه‌ی داعشییه‌کان، کردییه‌ ئامانج و گوێی به‌ هیچ شتێک نه‌دا.

ئه‌و هه‌روه‌ها جه‌ختی کرد: ئیسڕائیل دوژمنی سه‌ره‌کی ئێمه‌یه‌ و ده‌بێت نیگه‌ران بێت و باشیش په‌یامه‌که‌ی ئێمه‌ی وه‌رگرتووه‌. ئێمه‌ ته‌نیا تیرۆریسته‌کان ده‌که‌ینه‌ ئامانج و وڵاتانی پشتیوانکه‌ری داعش ده‌بێت باش له‌ ئامانجی مووشه‌که‌انی ئێمه‌ تێبگه‌ن.

ڕاوێژکاری وه‌زیری ده‌ره‌وه‌ی سووریا له‌ کۆتاییدا وتی: بوونی ئه‌مریکاییه‌کان له‌ ناوچه‌که‌ نایاساییه‌ و ئه‌مریکاییه‌کان دره‌نگ یان زوو ناچار ده‌بن سووریا چۆڵ بکه‌ن.

News Code 10819

نیشانەکان

بۆچوونی ئێوە

You are replying to: .
  • 1 + 13 =