په‌که‌که‌ کوژرانی ۳۰ سه‌ربازی تورکیای ڕاگه‌یاند

هێزه‌كانی پاراستنی گه‌ل هه‌په‌گه‌ كوژرانی ۳۰ سه‌ربازی سوپای‌ توركیای‌ له‌ ناوچه‌ی شه‌مزینان و چه‌لێ سه‌ر به‌ هه‌كاری و شرناخ و سیرت و بینگول و ئه‌رزنجان له‌ باكوری كوردستان راگه‌یاند.

به‌ ڕاپۆرتی ئاژانسی هه‌واڵی مێهر، هێزی پاراستنی گه‌ل ڕایگه‌یاند، له‌ كاتژمێر ۲۳:۳۰ خوله‌كی رۆژی دووشه‌مه‌ی رابردوو هێزه‌كانیان له‌ ناوچه‌ی شه‌مزینان هێرشیان كردوه‌ سه‌ر بنكه‌ی سه‌ربازی توركیا و ۲۰ سه‌رباز كوژراون.

به‌پێی به‌یاننامه‌كه، هه‌روه‌ها له‌ ناوچه‌ی چه‌لێ له‌ كاتژمێر۱۶:۳۰ خوله‌ك هه‌مان رۆژ چالاكییه‌كیان له‌ دژی سه‌ربازانی توركیا ئه‌نجامداوه‌ و دواتر شه‌ڕ رویداوه‌ و سێ سه‌رباز كوژراون.

هه‌ر به‌پێی به‌یاننامه‌كه، له‌ نێوان رۆژانی ۱۱ تا ۱۳ ئه‌م مانگه‌ له‌ ناوچه‌ی قلێبانی سه‌ر به‌ شرناخ شه‌ڕ رویداوه‌ و سه‌ربازێك كوژراوه‌ و له‌ ناوچه‌ی گه‌نج سه‌ر به‌ بینگول چوار سه‌رباز كوژران و پێنج سه‌ربازیش بریندار بوون و له‌ ناوچه‌ی كه‌ماح سه‌ر به‌ ئه‌رزنجان گه‌ریلاكانی په‌كه‌كه‌ چالاكیه‌كیان له‌ دژی سه‌ربازانی سوپای توركیا ئه‌نجامداوه‌ و دوو سه‌رباز كوژراون و سه‌ربازێكیش برینداربووه‌.

له‌و به‌یاننامه‌یه‌دا په‌که‌که‌ باسی له‌وه‌ نه‌کردووه‌ که‌ چه‌ند هێزی چه‌کداری خۆیان کوژراون یان بریندار بوونه.

News Code 10706

نیشانەکان

بۆچوونی ئێوە

You are replying to: .
  • 6 + 11 =