شه‌ڕ له‌ نێوان داعش و تاڵەبان ۳۱ کوژراوی لێکه‌وته‌وه‌

به‌ هۆی شه‌ڕ له‌ نێوان تاڵبان و گرووپی تیرۆریستی داعش له‌ ئه‌فغانستان ۲۷ تیرۆریستی داعشی و ۴ ئه‌ندامی تاڵبان کوژران.

به‌ ڕاپۆرتی ئاژانسی مێهر له‌ ئاناتۆلی، له‌ ئه‌نجامی شه‌ڕ و پێکدادان له‌ نێوان تاڵبان و تیرۆریسته‌کانی داعش له‌ شاری چه‌په‌رهار له‌ وه‌لایه‌تی نه‌نگرهار له‌ ڕۆژهه‌ڵاتی ئه‌فغانستان، ۲۷ تیرۆریستی داعشی و ۴ ئه‌ندامی تاڵبان کوژران.

هه‌روه‌ها له‌م شه‌ڕه‌دا ۸ ئه‌ندامی گرووپی داعش به‌ سه‌ختی بریندار بوون.

شایانی باسه‌ که‌ له‌ میانه‌ی شه‌ڕی دوو مانگی پێشووی نێوان ئه‌م دوو گرووپه‌ له‌ شاری ده‌رزاب که‌ سه‌ر به‌ جوزجانه‌ نزیک به‌ ۷۶ ئه‌ندامی تاڵبان و ۱۵ تیرۆریستی داعشی کوژران.

شایانی باسه‌ که‌ هێرشی سه‌ربازی ئه‌مریکا بۆ ئه‌فغانستان له‌ ساڵی ۲۰۰۱ و داگیر کردنی ئه‌م وڵاته‌ به‌ بیانۆی شه‌ڕ له‌ دژی تاڵبان و ئه‌لقاعده‌ شه‌پۆلی ده‌مارگرژییه‌کانی له‌م وڵاته‌دا به‌رز کردووه‌ته‌وه‌؛ له‌م شه‌ڕانه‌دا زۆربه‌ی کوژراوه‌کان که‌سانی سڤیل بوون.

News Code 10667

نیشانەکان

بۆچوونی ئێوە

You are replying to: .
  • 9 + 8 =