ڕه‌خنه‌ له‌ پشت گوێ خستنی ناوچه‌ی ئازادی بانه‌ و مه‌ریوان

ڕۆژنامه‌ی قانون له‌ ئێران له‌ ڕاپۆرتێک له‌ ژێر ناوی "ناوچه‌ی ئازادی هه‌ژاریی" ڕه‌خنه‌ی له‌ نوێنه‌رانی مه‌جلیسی شۆرای ئیسلامی ئێران گرت که‌ بۆچی ئاوڕ له‌ ناوچه‌ی ئازادی بانه‌ و مه‌ریوان ناده‌نه‌وه‌.

به‌ ڕاپۆرتی ئاژانسی  مێهر، ڕۆژنامه‌ی قانون له‌ ئێران له‌ ڕاپۆرتێک له‌ ژێر ناوی "ناوچه‌ی ئازادی هه‌ژاریی" ڕه‌خنه‌ی له‌ نوێنه‌رانی مه‌جلیسی شۆرای ئیسلامی ئێران گرت که‌ بۆچی ئاوڕ له‌ ناوچه‌ی ئازادی بانه‌ و مه‌ریوان ناده‌نه‌وه‌.

به‌ پێی ئه‌م ڕاپۆرته‌، ڕووداوه‌ تیرۆریستییه‌کانی شاری تاران، ده‌نگی مه‌ترسی لێدان بۆ سنوورنشینه‌کان بوو که‌ ده‌بێت ئاوڕی جدیان لێدبدرێته‌وه‌. سه‌ره‌تا ده‌بێت ئاماژه‌ بکه‌ین که‌ نابێت ڕووداوه‌ تیرۆریستییه‌کانی تاران ببێته‌ کێشه‌یه‌کی ئێتنیکی چون تیرۆریست سه‌ر به‌ هیچ مه‌زهه‌ب و ئێتنیکێک نییه‌، خودی خه‌ڵکی کوردستان تاکوو ئێسته‌ به‌ ده‌یان ڕاگه‌یه‌ندراویان بڵاو کردووه‌ته‌وه‌ که‌ به‌ ئاشکرا ئه‌م هێرشانه‌یان ئیدانه‌ کردووه‌. هه‌مووشمان به‌ باشی ده‌زانین که‌ به‌ درێژایی مێژوو کورد بۆ ئێران چیها خه‌باتی کردووه‌.

له‌ درێژه‌دا ئه‌م ڕۆژنامه‌یه‌ له‌ عه‌بدولمحه‌مه‌د زاهدی، پارێزگای کوردستان پرسیاری کردووه‌: نوێنه‌رانی ئێران مه‌ترسی ئه‌وه‌یان هه‌یه‌ که‌ کردنه‌وه‌ی ناوچه‌ی ئازاد ببێته‌ هۆی لافاوی هاورده‌ کردن بۆ ئێران، به‌ڵام ئێمه‌ ده‌بێت له‌ بیری چاره‌سه‌ر کردنی بێکاری له‌م ناوچانه‌دا بین، زۆربه‌ی وڵاتانی پێشکه‌وتووش به‌ کردنه‌وه‌ی ناوچه‌ی ئازادی بازه‌رگانی خۆشگوزه‌رانی و ئه‌منیه‌تی زیاتریان بۆ سنووره‌کانی خواین گواستووه‌ته‌وه‌.

زاهدی له‌ کۆتاییدا سه‌باره‌ت به‌ ژێرخانه‌کانی ناوچه‌ی ئازادی بانه‌ و مه‌ریوان وتی: له‌ ئێستادا ئێمه‌ له‌ ڕوویی ئاو و کاره‌با و جاده‌ و بانه‌وه‌ سه‌رقاڵی ئاماده‌ کردنی پارێزگاکه‌ بۆ وه‌ها ناوچه‌یه‌کین. له‌ ئه‌گه‌ری ده‌نگ دان به‌م پڕۆژه‌ یاسایه‌ ئاڵ و گۆڕی ئابووری زۆر باش له‌ ناوچه‌که‌دا دروست ده‌بێت.

News Code 10649

نیشانەکان

بۆچوونی ئێوە

You are replying to: .
  • 6 + 2 =