ئاگرکه‌وتنه‌وه‌ له‌ دارستانه‌کانی ئیلام به‌رده‌وامه‌

به‌ نزیک بوونه‌وه‌ له‌ وه‌رزی هاوین جارێکی دیکه‌ ئاگرکه‌وتنه‌وه‌ دارستانه‌ جوان و نایابه‌کانی پارێزگای ئیلامی کردووه‌ته‌ ئامانج.

به‌ ڕاپۆرتی ئاژانسی مێهر، به‌ نزیک بوونه‌وه‌ له‌ وه‌رزی هاوین جارێکی دیکه‌ ئاگرکه‌وتنه‌وه‌ دارستانه‌ جوان و نایابه‌کانی پارێزگای ئیلامی کردووه‌ته‌ ئامانج.

به‌ پێی ئه‌م ڕاپۆرته، هه‌فته‌ی ڕابردوو چه‌ندین حاڵه‌تی ئاگر له‌ دارستانه‌کانی ئابدانان و ده‌ڕه‌شه‌هر و که‌بیرکوه‌ که‌وته‌وه‌ و چه‌ندین ناوچه‌ی جیاوازی کرده‌ قوربانی. هه‌ر دوێنه‌ش ئاگر دار به‌ڕووه‌کانی ناوچه‌ی شه‌له‌می گرته‌وه، به‌ڵام جێگه‌ی خۆشحاڵییه‌ که‌ خه‌ڵکی ناوچه‌که‌ به‌ په‌له‌ ئاگره‌که‌یان کوژانده‌وه.

شه‌له‌م ده‌که‌وێته‌ ناوچه‌ی مانشت و قه‌ڵاڕه‌نگ له‌ شاری ئیلام و جێگه‌یه‌کی دارستانی و گه‌شتیارییه‌ و زیاتر به‌ هۆی خه‌ڵکه‌وه‌ ئاگر له‌م ناوچه‌دا ده‌که‌وێته‌وه.

به‌ڵام ئه‌وه‌ی جێگه‌ی داخه‌ له‌ ده‌ڕه‌شه‌هر ئاگر زه‌وییه‌ کشت و کاڵییه‌کانی گرته‌وه، ئه‌گه‌رچی ئاگره‌که‌ له‌ لایه‌ن خه‌ڵکه‌وه‌ کۆنترۆڵ کراوه‌ به‌ڵام تیمی ئاگرکوژێنه‌وه‌ی شاره‌که‌ له‌ خه‌ڵک داوای کردووه‌ که‌ له‌م وه‌رزه‌دا به‌ هیچ له‌ونێک له‌ ده‌شت و کێڵگه‌ کشت و کاڵییه‌کان و دارستانه‌کان ئاگر نه‌که‌نه‌وه‌ و ئه‌گه‌ر بۆ گه‌شتیاری ده‌چن خوارده‌مه‌نی ئاماده‌ له‌گه‌ڵ خۆیان ببه‌ن تاکوو پێویستیان به‌ ئاگر نه‌بێت.

له‌ لایه‌کی دیکه‌وه‌ دوێنێ ئێواره‌ ئاگر دارستانه‌کانی سورخگیر و سیورگری له‌ شاری ئه‌یوان گرتووه‌ته‌وه‌ و به‌ هۆی هاتنی با له‌ ناوچه‌که‌دا ئاگره‌که‌ به‌رده‌وام له‌ حاڵی په‌ره‌ سه‌ندن دایه‌ و تاکوو ئێسته‌ به‌ ته‌واوی کۆنترۆڵ نه‌کراوه.

ئه‌م دوو دارستانه، دارستانی دار به‌ڕوون و سروشتێکی یه‌کجار جوان و دڵکه‌شیان هه‌یه‌ و بێجگه‌ له‌ هێزی ئاگر کوژێنه‌وه‌ زۆربه‌ی خه‌ڵکی شاری ئه‌یوان بۆ کۆنترۆڵی ئاگره‌که‌ چوونه‌ته‌ ناوچه‌که. له‌ ئێستاشدا هه‌وڵه‌کان بۆ کوژانه‌وه‌ی ئاگره‌که‌ به‌رده‌وامه.

News Code 10472

نیشانەکان

بۆچوونی ئێوە

You are replying to: .
  • 2 + 14 =